擔心

千嬅為左趕拍兩套戲而捱病左，真係好擔心呀，希望佢快d康復啦。星期二果日千嬅上電台做訪問，佢叫我地唔駛擔心佢，確實地我從來都唔太擔心千嬅，因為千嬅好清楚知道自己要咩，做緊咩，我會繼續期待千嬅下隻新碟同埋下年既演唱會架。不過而家最重要都係保重身體呀。

自從千嬅隻碟出左，就引起左好多討論，有好多批評，但係其實我又真係唔覺得隻碟太差，確實地個封面係有d問題，但係歌真係冇咩問題，幾耐聽呀，而且千嬅技巧有進步係值得開心呀。千嬅選得呢間唱片公司，佢就會知道自己想點，所以我地作為fans既繼續支持千嬅呀。

尋日有人打比我叫救命，佢話星期六有function唔夠人幫手，我咪話我唔得囉，因為我真係好多野做。其實講真呀，如果係以前，幾忙我都會編排到時間去幫手，但係自從果件事發生之後，我對呢個團體已經心淡，我唔會再為佢犧牲任何野，所以今次即使知道佢地係唔夠人，我都唔會幫手，寧願比d時間自己休息下。

既然個呀頭都唔支持我地班細，要支持佢個所謂心腹既，咁我地呢班細既仲有咩意思呀，咁咪唔玩囉。既然你個心腹可以搵到咁多人黎代替我地一班舊人既位置，咁你咪搵你心腹幫你搵人囉，唔駛諗住我地呢班舊人會再幫你。我諗經過果件事之後，我地呢班舊人會潛水，除非真係好得閒先會出活動之外，做成今日既惡果，係你一手一腳做成架，既然你選擇逃避問題，唔去解決既話，呢個問題就會一路存在，呢個問題就會一路響我地之間。