我的...生日快樂!!

轉眼間又黎到一年一度的大日子啦...
大家估得無錯啦~~就係本小姐生日是也!!
今年就係婚後的第一日生日,不過我同老公都無點特別咁大肆慶祝,而我地兩個人亦都無專登請假......

今日係公司,一如我預料一樣收到同事們送黎的生日蛋糕~~
數數手指,原來今年已經係第3年係依間公司慶祝生日啦!!
不過今年就有少少special,因為今年有2個蛋糕切呀~~~


哈哈.....不過大家都唔係以為2個cake都係送俾我呀~
因為咁岩另外有一位同事都係依幾日生日,所以佢地就順手同佢慶祝埋生日先買2個cake咋....
不過呢....我到依家都唔明點解佢地要咁做囉?!一個蛋糕一齊切唔係好d咩.......

超級可愛的小熊蛋糕係我gei...........呵呵呵

許完願就要切蛋糕啦~~~

多謝晒各位同事的birthday cake呀~~~~

就係切完蛋糕無耐,我居然收到老公送黎的生日禮物喎~~~
wowowwow.........係一樣我恨左想收好耐的禮物呀!!!so happy!!!
hee hee hee hee....
大家係咪好想知老公送左d咩俾我呢~
之唔係我恨左想收好耐的agnes b.花花囉!!


居然依紮唔係我一路想收個款花,不過老公話覺得依紮襯我多d喎....
(莫非佢覺得我好似紮花咁pure?嘿嘿嘿...)but anyway,收到老公送黎的花都好開心呀!!

至於夜晚,老公就帶左我去ifc度食西餐~
birthday dinner @ IFC - Harlan's
老公佢仲專登request個window seat同我一路食飯一路欣賞維港夜景,咁又真係又浪漫喎~~~

不過由於知道黎親依d地方食飯都起碼千千聲落樓,所以向來精打細算的我真係要小心d落order先唔洗老公個荷包大出血呀!!!

" Lobster soup x2 "
老公話依度d龍蝦湯都幾出名喎....所以我同佢二話不說咁就order左2客黎試下~
雖然佢個龍蝦湯就無麥記同埋amigo個龍蝦湯咁好飲,不過對於我黎講都算唔錯呀!


" 上 : 蟹肉意粉  下 : 血鴨&鵝肝 "
個意粉煮得恰到好處,不過因為個意粉有dd熱辣所以我麻麻地鐘意食...
至於個血鴨就真係無得頂啦!!雖然我咁大個女都係第一次食血鴨,不過我又覺得好好味喎!!
所以就算佢貴少少都叫做值回票價呀!!!起碼話晒都叫做食過嘛~~~

" 甜品 : 心太軟 "
老公知道我鐘意食心太軟cake,所以佢專登order俾我食咖!
呵呵~~


全日唯一一張同老公的合照.....

食飽飽之後埋單閃人~~~
臨走之前同埋我紮b仔花係門口影到相留念下先.............24歲的羅靚太呀!!