毛毛真巴閉~

2009.6.2.(二)

毛毛：ma ma今天終於都把工作擱在一邊，話要幫我做點更重要嘅野先，但話口未完，就一早出左去。

當我和豆豆午覺都未瞓完，ma ma就拿了幾樣東西返嚟......，佢話係為左我專登去買嘅....，哼....講嚟講去咪又係去行街買野，又拉我落水...。

好...，睇下你又買左d乜返嚟，如果你又敗家，睇我吠唔吠C你...哼...~

第一件攞出嚟竟然係個保温瓶？？？有冇搞錯 )))))))))))，難道我會飲熱水嗎？解釋 ，解釋呀...))))))。

問過ma ma了，佢解釋話，呢個保溫瓶除左保溫外，還可保凍的，佢話我而家的病未能穩定(葯未能有效控制到抽筋)，又復診密密，又想多d時間帶我在身旁，但又驚我在街上突然抽筋，便為有用個保凍瓶放滿冰粒，再把抽筋水放入保冷(因支水只能在25度以下才可有效)，這小瓶纖瘦身型放在ma ma手袋最方便，所以就買了它用。

昨天4：00見ma ma把冰粒放入，到今天中午12：00還有數粒冰未溶去，証明效果很好，ma ma決定可放心交支抽筋水比小瓶保管了。

＃  其實ma ma早前亦買過另一牌子瓶，但4，5個小時後d冰已全溶透，所以不能用才買呢個回來再試，好在呢個合格，唔係又浪費了....。

第二件攞出嚟係脫水蕃薯片(冇鹽)......？

雖然我好喜歡蕃薯但ma ma你上星期講好會買d新鮮蕃薯焗比我地食，而家又變了外賣，你把時間都用左去邊？睇怕你已經越嚟越懶啦......，算啦！有外賣食都好過無了期咁等等等.....~

＃    自從食药後，就出現食極唔飽情形，每每半夜就想叫醒ma ma給我食物，但ma ma常常只會抱我去小便，一晚搞醒ma ma數次，曾經聽見ma ma鬧我曳曳，後來佢終於發現我肚仔餓，所以每天都給我多食了，不過ma ma 話，咁食都唔係辦法，怕我好快就肥得連其他病也會出現，之後佢就改用了生果，蔬菜和根莖類植物做我的小食，而家好肚餓情形改善了，但還是比以前多食呢.....。

第三件攞出嚟嘅係個好襯我嘅粉紅袋袋，ma ma常常話，毛毛用粉紅色最天下無敵，這袋袋我極之喜歡(因為有得出街街嘛)，話雖如此，每次用個袋運送我出境後就冇用了，因在街上我就要自己行，唔受束縛，唔係我又會狼叫的Woo....Woo )))))))))。

這袋袋不是狗狗專用的，因ma ma話我而家出街太多野要帶，所以要揾個多間格又夠我size又靚又平先啱用，一揾就揾左個多月。

而家等我試下C服唔C服先~

豆豆你咪搞搞震呀，個袋袋冇你份，喂，你想點呀....~

都係快d入左袋先，唔係比你隻大肥豬玩爛就我連街都冇得去....~

都係唔放心，豆豆不停搞住我，我又唔高興，ma ma後來把我卦得高高的，終於都安心了(自小都愛企得高一高，唔怕屎一族)。

沒多久又把我放回地上，叫我行出嚟，我屎都唔出，ma ma嬲起嚟索性把拉鍊拉上，還叫我住在裏面唔好出嚟喎，唓，大不了咪住响裏面囉，有乜大不了。

看見袋頂上的濕濕嗎，咪隻屎豆豆d口水囉，搞到污糟哂.....~

ma ma你真係唔理我嗱....？

唉....終於投降了...，老狗而家唔受專重呀，坐在袋咁耐都冇人理....第次請都唔入呀....)))))) ~

算啦，見ma ma今次買d野全部都係我嘅，唔嬲你啦...反正可愛毛毛係ma ma嘅....哈哈.... ~