救人如救火

今日收工佢黎接我...我地揸車返沙田途中竟然遇上......

交通意外......大吉利是!!!

唔係我地呀......係係大埔道見到有人"反咗車"!!

成個過程不足十秒睇住架車"炒埋山邊"!!

架車"打側咁瞓"咗係度!!

我地見到咁既環境就停車.....佢就過對面去睇睇可唔可以幫到佢地啦....

我就負責CaLL999....

當時我好清楚咁話比D警察知個位置.....

但大慨成5~ 6分鐘連一架鐵馬都未到

一路都有一兩架車停低幫手既.....到啲人都比我地救哂出黎...

先有消防車到......跟住我電話就响嘞....

係警察....佢問我"陳小姐:請問你位置係邊???"

Oh......點解會咁架.....你地一啲效率都冇而且仲冇溝通

連消防車都到咗啦...仲問?? 如果大單嘢人地咪死咗都未搵到??

我明明都講得好清楚架啦!! (如果唔係人地消防都搵唔到啦!!)

唉.....我唔係想話啲警察囉....但的的確確佢地係差咗d囉...

連"燈柱編碼"都講埋啦.....只可以講希望可以好好改善吓!!

畢竟救人如救火嘛(@o@!)

我地係啲消防員黎咗之後就上車走人Lu.....

"臨走影咗張相.....有相為証的!!

                      車上兩男兩女~ 安全無事!!