河背郊遊記

由於要搬新屋的關係, 我哋一家在blog壇消失咗大半個月, 連外公都開始投訴我無出新網誌了! 但大家放心, 我黑頭又返來喇!

我哋一家搬咗新屋個多星期, 生活都開始回復正常了, 我和媽咪星期四 (3/9)就同外公, 姨丈公同姨婆去咗河背水塘行山了! yeah.....又可以跑個飽!

好...出發!

黑頭: 媽咪, 你行快d先得o嫁!

幾時都話姨丈公係最有我心啦, 佢探路時一早幫我搵定d淺水的小溪, 等我可以浸下溪水消暑嘛!

黑頭: woo....真係好爽呀!

黑頭: 咦....邊個嚟咗呢?

原來河背村的村民都嚟咗游水喎!

我呢日又上山又落水, 十足參加鐵人賽咁, 當然要食番d餅餅補充體力啦!

行咗一陣, 又到另一個浸水位喇! 呢度仲有個小瀑布, 好靚啊!

Moggie: 黑頭落水時, 整咗有好多水花, 個樣仲好騰雞呀! hahah.... 

喺咁靚的地方浸水, 真係好寫意啊!

我呢個濕水look係咪好man呢? 呵呵...

沿途仲有片大草地, 影相的效果都唔錯喎!

但我唸主要都係多得個model夠醒目靚仔囉! haha...

見我仲到頸都長, 應該就知道又到下午茶時間啦!

咦....又話個袋有嘢食o既? 點解無o嫁?

哎......又中咗媽咪的鬼計添!

元朗平原, 風景都唔錯喎!

噢...行咗咁耐, 都係時候要抖一抖喇! 我行山可以有私家車坐, 連行山的途人話我最嘆呀! hee.... 

行山時, 姨婆好眼利, 發現咗好多小昆蟲呢! 媽咪今次行山, 只係拎咗個天涯鏡影相, 但影出來的效果都ok喎!

草蜢仔

紅蜻蜓

一對蜻蜓夫婦

Moggie: 黑頭今次行山, 發生咗樣好瘀皮的事, 呢個傻仔行行吓突然跳入狗袋周身"典", 原來佢趴在地上時惹咗一身蟻, 痕到佢搵地方"喱"呀!  後來我要幫佢沖水抺身, 又狂噴防蟲液, 佢先無咗被蟻咬咋! haha...

唔記得呢個水塘叫咩名添....

行山最後一站, 就係一個小農場, 呢度有好好味的燉奶, 芒果布甸同牛奶賣....

可惜媽咪掛住食, 無影相呢!

農場仲有好多小山羊呢!

行完山, 我哋就搭車出元朗飲茶, 然後我同媽咪就番屋企洗白白喇!

下一次, 我就會post我洗白白的"肉"照俾大家睇啊! 記住留意啊!