黃金周自由行 (中環篇)

上回講到我五一勞動節同王勁威, 傻Dick & 臭菲上咗山頂自由行 (黃金周自由行~山頂篇), 跟住我哋就轉場, 去咗中環繼續自由行喇!

話晒我哋呢班鄉下仔女第一次出城, 見到中環真係好繁榮呢! 到此一遊, 我哋緊係要同中銀影番張合照呢!haha...

王勁威 ...

傻Dick (左) + 臭菲 (右)同媽咪合照

王勁威的"郵筒身型好易認"呢! 佢點可以唔同個郵筒影番張相先? 

菲菲都唔執輸, 佢又上郵筒擺pose影相先..

唔係講笑, 媽咪們拖住我哋在中環行街, 真係吸引咗好多人的目光呢!

平時好多人都會到立法局影沙龍呢, 我黑頭都要影番輯靚相呀! 我呢個pose 係咪好型仔呢?

臭菲有媽咪抱當然笑得好開心啦! 你睇, 後面仲有好多觀眾呢! haha..

又一張大合照, 但大家都有d貌合神離喎!

其實我哋呢次去中環, 係有個特別目的o嫁! 我哋想同滙豐銀行隻獅子影相囉! wahahah....

發夢都唸唔到, 我哋可以同獅子合照呀! 咁我哋會唔會都沾到d財氣呢?

多得路過的姐姐拔刀相助, 我哋3人4狗終於可以影張真真正正的大合照呢!

公眾假期時, 在中環見到d菲傭姐姐圍埋唱歌食嘢就一d都唔奇, 但成班狗狗圍埋開餐, 你又見過未呢?

影完滙豐隻獅子, 順便影埋附近隻石獅子先...

呢個Dick  Dick真係行到邊瞓到邊呢!

呢班媽咪真係古靈精怪, 佢哋忽然有個奇想, 就係帶我哋去扮等電車, 唔通佢哋想我哋變成"電車狗"?

有車了, 我哋要上車喇...haha

坐完電車, 我哋又去(扮)坐地鐵喇!

" The next station is also Central!!"

呢日在中環自由行, 真係好好玩呀, 連媽咪們都玩到顛呢!

天黑了, 我們每隻狗狗都影多張中環夜景先, 一套四張, 可以拎去印狗狗閃卡呀! 唔知你又鐘意邊張呢, hahaha.....

臨走前影多大合照, 不過我黑頭真係好攰了, 借住王勁威個pat pat 瞓瞓先!

呢日朝早11am出發, 玩到夜晚7pm, 我哋上了山頂再去中環, 真係玩到夠喇! 人同狗都散晒喇!

不過呢日真係玩得好開心, 希望好快又可以再玩過啦! hee.....