多謝金孖 & 小嬌!!!

雖然依家已經過咗新年, 但我上星期又收到兩份新年禮物, 媽咪今日先得閒同我多謝大家咋, 遲咗少少, 唔好意思呢!!

首先有Lois 姐姐, 樂樂 & 餅妹的禮包, 裡面有金孖靚相, 年曆卡, 脫水羊蹄, 雞肉乾, 仲有執便便膠袋呀! Lois姐姐, 你真係好細心, 呢份禮物可以照顧晒我生活的主要需要...."食" 同 "疴"! hahah....

呢隻就係傳說中的狗狗第一美食~ "脫水羊蹄"!! 好多狗狗都恨不得咬佢一啖o架~!

你睇, 隻羊蹄同我隻美腿一樣咁粗壯o嫁! woo....

呢隻腳不但唔嗅, 仲有陣陣的香味呢! yummy!! 我媽咪咁孤寒, 佢一定唔會買呢D好嘢我食啦! 好彩依家有Lois姐姐送俾我食啫! haha...

另一份禮物, 係Iris姐姐同小嬌送俾我的! 多謝晒呀! 你哋份禮物一d都唔遲呀, 媽咪話未到初十五都係新年嘛! 份禮物有咁多零食, 等耐d都係值得呢! haha

肥美人小嬌, 咁耐無見您, 黑頭好掛住您啊!

最後要再次多謝金孖同小嬌, 你哋送咁多禮物俾我真係有排嘆呀! 仲要多謝各位派過利是俾我的姨姨姐姐, 我祝大家都青春美麗, 永遠幸福!!!