週記

幾日無打過 blog 啦 , 依排好唔得閒打 . . .

不過而家中港台交流完咗 , 應該會輕鬆啲 .

5/8 : 天鵝晨咁早就走鬼咗 , 任何安排都冇變 .

不過始終都累咗人 , 大雨到咁嘅樣 . . .

佛山同台灣第一日嚟 , 食啲嘢好差 .

明明嗰日唔係安排都俾人拃型 T^T

6/8 : 阿媽逼我報社區中心活動 , 騎馬+打哥爾夫 .

打 golf 嗰時就大雨到死 ; 騎馬嗰時就曬到死 ,

個馬房又臭 , 搞到成身都臭晒 . . .

之後去踢 now , 幾好玩吖 .

冇去到城市追蹤 = ="

8/8 : 七號成班童軍去晒四十週年團露營 .  

我冇去到 , 鬼叫撞咗期 . 諗住嗰朝入 camp ,

不過最後都冇去到 , 要照顧家姐 .

下晝去咗游水 .

9/8 : 冇去到游水 , 成朝都返咗教會 .

但冇返少年崇拜 , 返咗午堂崇拜 ,

李清詞牧師 , 係一個好老嘅女牧師 , 幾好笑吖 .

之後接埋家姐去婆婆屋企 , 媽咪要喺教會開會 .

食埋晚飯先走 , 好開心 ^^

10/8 : 朝早去咗油麻地賣書 ,

之後行嚟行去為咗等踢 now . . .

諗落 , 其實第一堂大家都覺得對方係飛仔 ,

但係後尾踢落傾落 , 佢地讀旅港我讀銀禧 ,

點衰唔衰得去邊 . 就算幾個讀余振強都係好人嚟嘅 !

11/8 : 話咁快中港台交流係最後一日 ,

我點都要出席吓 . 送佛山搭火車後 ,

喺旅遊巴道竟然發覺有人漏低咗喺童軍總會買嘅紀念品 ><"

雷健泉話下次去佛山俾返佢 .

下晝要早走返學校長跑 , 越嚟越憎丘狗 .

我咁有心點都仆返嚟 , 而你就潛咗水 .

你唔返你咪話取消囉 , 搞到咩安全都冇得講 .

班友又作晒反喎 , 話要倒後跑 . 勁狗囉 ,

李家淳又淆晒底唔話佢地 , 最後得我同兩條友正常咁跑 .

好憎咁樣 , 你唔得閒咪出聲囉 , 要提心吊膽咁跑 ,

講真我尋日差啲仆死 . 一啲都唔安全 . . .

12/8 : 今日朝去咗觀塘 , 因為月華街巴士總站清拆 .

得閒咪去咗影相 . 我好鍾意去舊區 ,

話晒細個觀塘同深水埗都住過 , 記憶點都有少少 .

而我出世嘅聯合醫院喺觀塘 ; 幼稚園喺深水埗 .

就算而家住嘅愛民都算得上係舊區 .

而清拆當然少不免 , 理解得到 , 故為保留記憶 ,

只能拍照留念 . 之後去咗瑞和街行吓 ,

買咗兩磅車厘子 ($28) 同三罐午餐肉 ($10) .

Captain Fabulous 21 - Daniel Jarque