七一大遊行

今日先得閒講番前日嘅事 .

我都唔知港大同差佬係點數人頭嘅 ,

三萬人喎 . 佢地班親中抑係唔好出嚟 ,

要出嚟就唔該數清楚啲 . 不過唔緊要 ,

作為正常嘅香港人 , 對差佬公佈嘅人數係唔會介意嘅 .

當日兩點鐘去咗紅磡碼頭搭小輪去灣仔 ,

再行去修頓球場 . 因為家姐嗰邊嘅組織啲成員都係傷殘人士 ,

冇可能行足全程 , 所以行程只係由修頓行去匯豐總行 , 不過都好攰 . . .

但係 , 我家姐雖然去咗 , 但係一步都冇行過嘅 = ="

皆因我地三點去到修頓 , 但係維園嗰邊拖極都未出發 ,

喺修頓暴曬到死死吓 . 到五點鐘 , 維園民陣帶頭嘅終於嚟到 ,

但係我家姐就突然坐低咗 , 睇倒佢真係頂唔順 , 太攰 .

當時我好擔心 , 但係媽咪叫我自己行 , 又叫其他家長睇住我 .

而我嘅使命感突然增強 , 就算點辛苦都要繼續 !

傷殘人士都唔輕言放棄 , 依個垃圾政府唔推翻 ,

依個社會都唔會好過 . 爭取普選係絕對冇錯架 ,

曾蔭權唔係我地選出嚟 , 佢憑咩去管我地 ?!

中央幫你有鬼用呀 , 七百萬人唔幫你呀 !

遊行咁多鬧你嘅口號 , 你瞓得着咩 ?!

 ' 扮代表 , 曾不該 ' , ' 勿當奴 ' , ' 曾蔭權:下台 ' . . . . . . . .

要睇相上我 facebook 啦 : mokboris@yahoo.com.hk

你爆粗，我吟詩，百花齊放，這就是渴望普選的香港！