瘋狂時期

已經進入咗超級恐怖死亡瘋狂時期 ,

仲有好耐先會結束 , 大約七月先可以甩身 . . .

考咩試姐 , 好難頂呀 ><" 上次進步咗咁多就毀於一旦 ?!

唔好啦 , 話晒我都唔係啲易放棄嘅人 .

依幾日夏令時間 , 一點三就放咗學 ,

跟住即刻返屋企 (except Mon.) .

搭車食飯搞埋搞埋兩點半開始嚟料 ,

大約溫到三點倒就飯氣攻心瞓一陣 .

但唔洗十分鐘又自動自覺起番身溫書 .

生活突然由多姿多采變得乏味而又機械化 ,

然而決不能中途退出 , 否則前功盡廢 . . .

不過 , 聽日後日可以鬆吓啦 ! 我會返大陸行一趟 ,

跟泳會上清遠扶貧 . ( 話時話 , 一返大陸就諗起飛行棋 .

三條六返大陸吖嘛 xD 都好耐冇玩過啦喎 -o- )

但係 , 睇吓個日曆 , 越嚟越近考試啦 . . .

講真 , 我嘅學習動機比上年增加咗好多 ,

但係真係好辛苦呢 :[

今日見唔倒你 , 唉 ! 不過算 , 考試為重 .