網誌分類：忌媽媽專欄 |
上星期放左自己兩日假之後，今個星期又要再努力喇！
我始終都放棄唔到中環區，前前後後行左三日都淨係行中環，行到成身濕，但都係無收鑊，全部都因為租太貴或岩價但無吉舖，只可以等
而家睇緊灣仔區，灣仔區商場租平好多，但感覺又好無信心，真頭痛
我唔想再量地喇！越來越驚呀
我家姐提意我去觀塘區，因為果度多商業中心，多OL，但我之前去過，除左APM個場high d 外，其他地方賣既都好平又唔靚，幾十蚊一件都有，我唔想做呢個路線呀！但我放工時間去，觀塘真係好旺，覺得都有得做！點好呀有無觀塘友話比我知呢區邊度有好地方又旺又無咁cheap嫁
河馬家族 2008-07-17 10:13
忌媽, 太古坊即係鰂魚涌地鐵站芬尼街出口對面呀, 果度有好多幢商廈, 條路仲可直通到去華蘭路, 直去太古城果頭, 若你打響左個名, 客路會好廣! 我記得果頭都有幾間跟你target要開的舖頭同grading既..... 我自己有時都會係果度買衫架, 咁主要我就幫襯萬利商場入面果D boutiques囉, 果度差唔多間間都係賣歐洲衫既!
其實行前些少既萬利商場都係個幾好既選擇, 唔好睇佢場細細, lunch hours和放工後都有好多OL特登行去果度買衫架. 但依我所知, 今年果度加租加得好勁
你話灣仔, 我覺得都可以諗諗, 近金鐘果頭位置都唔錯, 可以target係Pacific Place and Admiralty Centre果度D OL, 就係唔知價錢和有否吉舖囉; BTW, 有冇睇過海富中心呢? 我早排行過都見有吉舖, 但係人流就唔太多, 做既話要靠熟客介紹囉........
無忌一切2008-07-17 19:53
聽落太古坊都唔錯wor！等我聽日就去行下先！橫樹咁近我
海富中心我有睇呀！但只睇一樓，我問過有無吉舖，佢話已經比人租左lu！
唔該晒呀皮媽
壹味媽 2008-07-17 10:04
無忌一切2008-07-17 19:54
愛豹人 2008-07-17 09:34
無忌一切2008-07-17 19:56
其實對手就真係周圍都有，只要我賣ga野靚過佢地，價錢又合理，應該ok掛
無忌一切 2008-07-16 23:51
皮媽，你話太古坊，係米姐係隔離果條街呀？有個商場仔果度？如果係，我都有行過一次，都有考慮過，但果度無岩ga吉舖位呀，等我過兩日再去睇多次先！
壹味媽 2008-07-16 21:16
觀塘對我嚟講真係好遠, 而且我一定唔會去個度買衫囉! Florence講得啱, 個度真係比較cheap, 正式OL一定唔會去個度買嫁!
我唔係好清楚太古坊個邊, 但反而覺得灣仔都唔錯, 而家好多甲級寫字樓, 好多唔同級數既人係度返工, OL都有好多種, 可以諗吓喎! 但灣仔係近金鐘呢邊而唔係銅鑼灣個邊呀!
無忌一切2008-07-16 23:47
河馬家族 2008-07-16 20:32
我果陣從來唔會係公司附近買衫, 因為果度果D boutique仔D衫真係cheap到爆架, 唔好話幾十蚊呀, 十五蚊件T shirt我都見過有得賣!!! 至於APM呢, 入面D舖根本其他shopping arcades都有, 完全唔覺冇乜特別!!
我唔係話果度D OL冇錢冇能力買衫, 但以我為例, 我都寧願返自己買開衫的boutiques買都唔會係果度買囉
中環同觀塘, 真係完全唔同級數, 尺價都差大截啦! 除中環尖沙咀外, 我覺得反而太古坊有得唸下喎, 果度好多high end寫字樓, 最近仲有埋One Island East添, 你可以考慮下呀
無忌一切2008-07-16 23:43
哇！好詳盡呀皮媽，唔該晒你比咁多意見我呀！我行過觀塘一次，個感覺真係好旺，但就真係好cheap咁！我行左一陣已經覺得好唔係我想要ga野！但因為一個"旺"字，我又想再去睇多次，不過經你咁講，都係放棄lu，費是晒自己時間呀！
thank you!!