928運輸乜乜同樂日事件

話說上星期日928係運輸處攪既乜乜同樂日

個主題明明係"路路暢通"

唔知點解會邀請我地公司(請問一間停車場公司同"路路暢通"有乜關係?)

又唔知點解我地公司真係走去參加

於是我就成個禮拜無假放,星期6去維園set場,星期日再去朝九晚五暴曬成日啦

當晚返到屋企沖涼時除左發現自己多左件除極都除唔甩既T-shirt外

由於我多數都係背住太陽曬既關係

結果後頸部位曬到傷晒,勁紅勁痛

一訓落床果下呢...真係想大叫一聲"媽媽咪呀~~!!"

PS.我同事仲勁,佢曬乾左個人,結果當晚半夜訓訓下流鼻血流醒@@!!

↑首先比大家睇下我地個攤位先,全部野(banner,cardbroad等所有佈置)都係我整嫁,靚唔靚呢?

↑當日同我地共同進退既三位同事(PS.連件Tee都係我整嫁XD)

↑比個正面大家睇,由於個帳幕係紅色既關係,映到成個攤位都紅晒,加上咁Q熱既天氣,係咪好有"火焰山"feel呢XD?

↑個Game好簡單,只要係三十秒內避過所有障礙,將我地架遙控車駛入紅色箭咀既指定車位就ok嫁啦!

↑唔好睇呢位哥哥仔好似好易過關咁,其實要做到唔撞人同泊位唔"責界",其實係超難,全日都有50%以上既參賽者失敗嫁@@!!

↑恭喜晒呢位哥哥仔,成日當日既第一位大獎得主,得到由我地公司送出既模型車一部,係咪好靚呢?部野雖然係我地公司上世紀送剩既貨尾,但成本都要過百蚊嫁!!

比起其他檔d文具環保袋真係貴重好多,所以個game再難都有九萬幾人黎挑戰,希望可以拎架車返屋企威下!!!