Anson我以你為榮

回家後餵退燒藥，Anson好乖入睡，我就返工。

婆婆一早買定豬肉煲粥，Anson哥全日心情奇差，多次留言找我，哭哭啼啼，半睡半醒，回家後，親自探熱，嘩103，工人根本讀錯體溫計，真Dylan，即電浸會急CALL御醫蘇醫生，再抱Anson到浸記，原本要輪隊一粒鐘，由於高燒，不到15分鐘即見醫生，蘇醫生又再一展專業本色，拋出一段專業對白，醫生強調今次要做快速測試，Anson真乖，一直都很安靜，鼻水流連連，沒哼半句，只顧啜寶礦力。

離開診症室，不到5分鐘，Anson全身發抖，指甲發紫，姑娘再探熱104，立即再Call醫生開藥塞肛，快速測試過程好辛苦，姑娘要我大力按著Anson頭，狠狠插一條幼膠喉入鼻腔抽組織而非抽鼻水，痛苦可想而知，Anson爭扎，大叫，幼膠喉徐徐抽出，我放手，Anson望著姑娘，用手擦去眼淚，咧著嘴，鎖著眉頭收聲再無哭。Anson真係好老積，勁呀！

測試要40分鐘有結果，我帶Anson去六合小館食飯，我預計萬一再不退熱，就要入院，姑娘表示測試結果屬陽性，要依醫生吩咐服特敏福，建議家中有人患感冒一概要看醫生。。