38樓飛落街的波兒

4月2日晚上10時15分 我洗澡中，Anson的波兒飛左落街，佢第一次失去他的最愛.....波波，Anson的情緒由緊張、憤怒、失落、不安。佢哭得呼天搶地，爬上窗指俾我看，徘徊、大哭，發蚊憎，拍門。我怕佢自己都衝埋落去，最可惡係同佢玩波既人，只大聲呼喝叫佢咪嘈，完全唔理佢感受。明知有危險，身手笨眼界低就唔好買個咁細咁難搵既波番黎，專造麻煩。

我決定落街搜索，先問工人事發經過，計算力度和鎖定目標範圍，抱住十五十六心情，拖住隻哭到全身癱軟既 Anson B衝落樓搵波，個工人仲低能，在大堂同我拗搜索範圍，我睬佢都傻......咁唔科學.....抵炒，我拖住亞B走去樓下公園仔搜刮。不出三十步，見到花糟旁邊坑渠蓋上有個叉燒包咁大的黑色物体, I'm sure I've got it，Anson B即刻攬住個波兒。開心番晒。

但這10幾分鐘既緊張時刻已令我胃痛發作，成晚都睡得不安。囝！你亞媽唔擔保次次咁好彩，求你生生性性，唔好俾咁多難題給我。