Happy Friday@南丫島

Mo 仔：咦...... 今日係星期五，又唔係公眾假期，點解爸爸媽媽偷懶唔返工嘅？

Mo 媽：阿仔，我同爸爸特登今日攞咗大假，陪你過一個 Happy Friday 呀！

Mo 仔：今日天朗氣清，究竟我哋去邊度玩呢？

Mo 仔：嘻嘻，就係去南丫島行吓喇！

Mo 仔：雖然今日係閒日，不過南丫島都算幾多人，而且又多學生嚟旅行。但行咗一陣，爸爸話見呢條路唔多人，可以俾我自由行呀！

Mo 仔：嘻嘻，有得自由行，我當然好開心喇！

Mo 仔：成條路都冇人，我可以行得好 free，爽呀！

Mo 仔：睇吓我開心到呢...... 笑到見脷唔見眼呀！

Mo 仔：睇吓...... 其實我真係好乖乖，跟住爸爸一齊行o架！

Mo 仔：沿路的風景真係好靚呀！

Mo 仔：呢度就係我哋今日喺南丫島的目得地喇！

Mo 仔：呢度就係南丫島出名的風車發電站。

Mo 仔：一場嚟到，當然要同風車影返張相，証明到此一遊啦！

Mo 仔：呢張相的我係咪好有氣勢呢？！哈哈！

Mo 仔：話時話，今日太陽伯伯好勤力，曬到我瞇哂眼呀！

Mo 仔：嘻嘻，我當然即刻搵個遮蔭位唞吓先啦！

Mo 仔：之後我發覺呢度仲好，太陽曬唔到，我可以唞番一陣回回氣呀！

Mo 仔：趁我休息中，媽媽不如你幫影影相啦！

Mo 仔：好喇，我已經休息夠，不如繼續行呀！

Mo 仔：我哋就向風車發電站上的涼亭出發喇！

Mo 仔：原來呢度可以更加清楚望到個風車呀！

Mo 仔：爸爸，幫我同個風車影相呀！

Mo 仔：嘻嘻，等我扮吓好有 feel, 唔望鏡頭影相先。

Mo 仔：呢度望出去的風景真係好靚呀！

Mo 仔：等我同媽媽一齊睇風景。

Mo 仔：媽媽話呢張相的我好搞笑呀！條脷仔又嘟又捲。

Mo 仔：呢個涼亭的位置真係正，唔單止望出去的風景超靚，而且有微微涼風吹送，好涼爽，我好 enjoy 呀！

Mo 仔：等我再享受吓呢度的美景先！

Mo 仔：行返落山，爸爸媽媽當然要去幫襯好美味的豬頸肉啦！之後我哋就去呢間有海景的餐廳食個 lunch 喇！

Mo 仔：夠鐘要搭船返出中環喇！

Mo 仔：返到屋企，爸爸幫我洗白白，媽媽就煮嘢俾我食，之後我當然要大覺瞓啦。今日真係一個好充實又開心的 Happy Friday 呀！