開心暢"游"珀麗灣

今日我 Mo 仔超開心, 因為我同哥哥 Jack Jack 一齊去珀麗灣游水. 嘻嘻, 其實我都係第一次游水水呀!!    今朝由屋企出發時落緊毛毛雨, 我仲擔心唔可以去玩添~~ 好彩天公做美, 去到珀麗灣時已經冇落雨, 雖然見唔到太陽伯伯, 不過涼涼地仲舒服啦! Okay, let's go to swim. Yeah!

P.S. 以下大部份的靚靚相片喺由 Jack Jack 爸幫我哋影o架! Thank you very much! 

Mo 仔 : 媽媽, 我哋係咪出發去沙灘游水呀?! 

Mo 仔媽媽 : 係呀, 不過你去到沙灘要跟住爸爸唔好周圍走呀!! 

Mo 仔 : 知道喇! 咁我哋快啲行啦! 

Mo 仔 : 珀麗灣真係一個好歡迎狗狗的地方. 我哋沿途行去沙灘時都見到好多狗狗呀!!         

Mo 仔 : 好嘢, 到沙灘喇! 爸爸話拖住繩陪我去熟習周圍環境先喎~~ 

Mo 仔 : 咦~~ Jack Jack 哥哥, 你咁快就想去玩喇?! 

Mo 仔 : 我都係第一次去沙灘喪跑, 感覺原來好正o架!! 

Mo 仔 : Jack Jack, 你咁快已經放繩落水玩喇! 

Jack Jack : 嘻嘻, 乜你唔知咩, 我好鍾意去沙灘玩o架! 

Mo 仔 : 好, 又等我放繩玩吓浪浪先~~ woo~~ 啲水好清涼呀!! 

Mo 仔媽媽 : Mo 仔, 你仲咩玩浪玩成咁嘅樣呀?! 

Jack Jack : Mo 仔, 你第一次去沙灘玩已經咁大膽落水玩喇?! 對於游水, 我仲喺有啲驚驚啊!                 

Mo 仔 : 哥哥, 你都一齊嚟玩吖~~ 真係好好玩o架!! 

Jack Jack : 嘻嘻, 等我又同 Mo 仔玩吓先~~ 

Mo 仔 : 啲浪湧埋嚟真係好涼好舒服呀!! 

Mo 仔 : 玩完浪浪, 我好唔好試吓去游水呢?! 

Mo 仔 : 在爸爸的鼓勵下, 我就豁出去, 嘗試放膽去游水啦! 

Mo 仔爸爸 : 你記住要跟實爸爸一齊游水o架!! 

Mo 仔 : 好嘢, 我第一次游水水, 終於成功喇! 

Mo 仔 : 原來游水係咁正咁 free o架!! 

Mo 仔媽媽 : 我哋初時估 Mo 仔第一次去沙灘玩, 應該只係玩吓水, 真係諗都冇諗過佢會好夠膽去游水, 而且游得好開心好 enjoy. 我哋四個大人見到 Mo 仔第一次的狗仔式泳術, 都不禁興奮得大叫起來呀!! 

Mo 仔第一次游水水 - 共有三段短片. 

Mo 仔媽媽 : 阿仔, 你游水駛唔駛開心到突哂眼呀?! 

Mo 仔 : 嘻嘻, 等我試吓啲海水係乜嘢味先~~ 

Mo 仔 : 原來啲海水係咸咸地o架?! 

Jack Jack : 你游水游得咁開心, 幾時同我跑沙灘呀?! 

Jack Jack : 好, 就等我練吓氣, 陣間同你比賽先~~ 

Jack Jack : 嘻嘻, 睇吓我喺沙灘跑得幾開心幾 enjoy! 

Mo 仔 : 游完水, 就等我同爸爸又跑吓先~~ 

Jack Jack & Mo 仔 : 好喇, 我哋開始賽狗比賽, 睇吓邊個跑得最快先~ 

Jack Jack : Mo 仔, 你游水就叻啫~~ 不過我跑沙灘快過你啊! 哈哈! 

Jack Jack : Mo 仔, 我哋都玩夠喇! 不如上我屋企再玩過呀! 

  後記 :

我哋喺沙灘玩完後, 就去咗 Jack Jack 屋企再玩. 真係好多謝 Jack Jack 你哋一家的熱情招待,    我哋今日真係玩得超級開心, 大人有大人傾計, 我同哥哥呢兩位小朋友就一齊玩波波. 不過........ 唔知係咪玩得開心得滯, 我忍唔住喺你哋屋企瀨尿尿, 媽媽話真係好失禮,    所以想同你哋再講聲 : 「真係唔好意思呀!!」 佢仲叫我下次唔可以咁醜怪o架!

Jack Jack, 我哋下次再約出嚟玩過呀!!