三兄妹齊賀三歲生日

 

今日我 Mo 仔好開心... 因為我哋三兄妹齊齊開生日會慶祝三歲生日呀!   嘻嘻, 其實我真係諗到冇諗過可以同 Jack Jack 哥哥及漢堡包妹妹相認, 仲可以齊齊賀生日添.

 

我代表我哋三兄妹係呢度好多謝咁多朋友賞面出席我哋嘅生日會, 仲好有心送咗好有心思嘅禮物, 真係多謝哂你哋呀!!     今日我哋玩得好開心呀!! 好喇, 不如就睇吓呢次生日會嘅花絮片段啦!!

 

Mo 仔 : 嘩... 好靚嘅生日蛋糕呀... 真係睇到我流口水!!    不過媽媽話要等齊嘉賓先可以切蛋糕食呀!!

 

Mo 仔 : 好啦, 就等我介紹一下今日蒞臨出席生日會嘅嘉實先........ 

  糖糖小妹妹

 

  八妹大家姐

 

  第一次見面嘅查 b, nice to meet you! 爸爸話你嘅側面同我好似樣啊!

 

  狗醫生 Goofy

 

  好乖乖的軍曹

 

  肥嘟嘟好可愛的 Bebe

 

  當然唔少得同我一樣咁熱情嘅 Jack Jack 哥哥

 

  仲有好斯文嘅漢堡包妹妹啦!

 

Mo 仔 : 不過媽媽話唔好意思,  因為有啲朋友仔冇影到相, 希望你哋唔好介意. 

 

Mo 仔 : 好喇... 所有嘉賓已經到齊啦. 係時候準備切蛋糕喇! 咦... Jack Jack 哥哥, 你好似好心急喎~~ 

 

Mo 仔 : 家長們好想我哋三位壽星仔女一齊同生日蛋糕影張靚靚相, 可惜...... 我哋三兄妹今日實在太興奮太開心喇, 所以好難坐定定乖乖地影張合照啊!   

(左 : Jack Jack;  中 : Mo 仔;  右 : 漢堡包)

 

Mo 仔 : 嘻嘻, 睇吓我個樣, 真係恨不得快啲食咗個生日蛋糕呀! 

 

三兄妹 : 你哋影相影夠未呀?? 我哋幾時先可以食蛋糕呀?? 

 

Mo 仔媽媽 : 嚟...嚟... 嚟... 等各位小朋友影張大合照之後就可以食蛋糕喇! 

Mo 仔 : 不過... 各位睇吓, 可能今日各位朋友仔實在戥我哋三兄妹開心, 所以佢哋都好興奮呀!! 如果要影一張大合照, 我睇真係有難度啊! 

 

Jack Jack  : 細佬, 你唔好咁為食掛住聞嘢食啦...... 我哋不如齊齊帶頂生日帽坐定定影張靚靚大合照啦....

 

Mo 仔 : 不過我頂帽遮住咗對眼, 我睇唔到嘢啊! 

糖糖 : 咦... 點解呢位哥哥咁奇怪嘅?! 帶帽都要遮住對眼嘅?! 

 

Mo 仔 : 細路女, 等哥哥教你啦... 咁樣帶帽先夠潮嘛~~ 

 

Mo 仔媽媽 : 女仔始終係女仔, 真係可以好乖咁坐定定影相. 

Mo 仔 : 不過, 左下角嘅 Bebe 係男仔, 唔係女仔喎~~ 

 

Mo 仔 : 唉... 今日影大合照時嘅場面實在太混亂喇... 算啦, 我哋都肚餓喇, 不如快啲切蛋糕食啦! 

 

Mo 仔 : 呢個生日蛋糕真係好好食, yummy yummy 呀! 

 

Mo 仔 : 哈哈哈......... 連 Jack Jack 都覺得啲蛋糕好好味, 食完都要咬住隻紙碟周圍走.    哥哥, 你係唔係嫌唔夠食要再添食呢?? 

 

Mo 仔 : 睇吓呢一對姊妹花 - 八妹&糖糖, 佢哋兩個食蛋糕都要爭住食, 仲要舔佢哋媽媽隻手指回味再回味喎~~ 

 

Mo 仔 : 小朋友食完蛋糕, 就輪到大人開餐喇! 嘻嘻, 我呢隻為食仔當然都唔放過呢個時刻啦!! 睇吓有乜嘢食先~~ 

 

Mo 仔 : 好似好美味啊... 俾啲我食吖~~ 

 

Mo 仔 : 呢條串燒好香喎... 快啲俾我食啦! 

Mo 仔爸爸 : 傻仔, 你想食呢條串燒, 真係想吓好喇!! 

 

Mo 仔 : 原來唔單止我為食, 連咁斯文嘅漢堡包妹妹都好想食雪糕啊! 

 

(左) Jack Jack & (右) Mo 仔 : 爸爸, 爸爸, 點解我哋要困住喺度呀?? 

 

Jack Jack 爸爸 & Mo 仔爸爸 : 因為你哋曳曳囉~~ 

Jack Jack & Mo 仔 : 唓... 雖然我哋係全場最為食嘅狗狗啫... 不過為食係狗哋嘅天性嘛~~ 不如睇在今日我哋係壽星仔, 你哋放過我哋啦! 

 

Mo 仔 : 今日大家朋友仔齊齊玩吓食吓, 開開心心地渡過呢個生日會.   其實我咁大個仔, 都係第一次開生日會呀, 而且仲可以同我哥哥和細妹一齊慶祝, 真係好開心好興奮呀!!   再次多謝今日咁多位出席嘅各位嘉實, 遲啲再約出來玩過呀!!