兄妹團聚喇!

上個月的今日, 我 Mo 仔同哥哥 Jack Jack 重逢; 而喺一個月後的今日, 我哋兩兄弟同細妹漢堡包可以一家團聚, 真係超開心呀!! 

前幾日我哋都好擔心今日會落雨, 唔可以出去戶外玩; 不過好彩今日冇落雨, 雖然係天陰陰, 但係涼涼地都好爽, 真係最適合去戶外活動呀! 好啦, 我哋一齊去彭福公園嘅大草地喪跑啦! Yeah! 

Mo 仔 : 我哋三兄妹終於團聚喇! 好開心呀!! 

Mo 仔 : 呢位就係我的大哥 - Jack Jack, 佢真係好有大哥風範o架! 

Mo 仔 : 呢位就係我的嬌滴滴細妹 - 漢堡包, 佢真係好乖好定好斯文呀! 

Mo 仔 : 當大人準備幫我哋影大合照時, 我梗係八八卦卦周圍走啦!!    點知~~ 我被我個狗袋繩"繞"住咗呀!! 

Mo 仔 : Help, 有冇人可以救我呀!! 

Mo 仔 : 大哥, 你快啲幫吓我, 救我出嚟啦! 

(右) Mo 仔 : 大哥, 你對我真係好啫~~ 不如你同我一齊影相先啦! 

(左) Jack Jack : 你呢個細佬今日成日都開心到吠, 好嘈呀!    唔該你同我影相時靜啲啲得唔得呀! 

(右) Mo 仔 : 好啦, 既然大哥叫到, 我就乖乖地同你影張相啦! 

Mo 仔 : 我哋三兄妹嚟張大合照先! 好喇, 大家望住鏡頭一齊笑啦! 

(左 - 細妹漢堡包;  中 - 大哥 Jack Jack,  右 - 二哥 Mo 仔)

- 由於我大膽到由檯上面跳落地, 所以爸爸話穩陣起見都係同我縛狗繩呀! 

(右) Mo 仔 : 大家齊齊望完鏡頭影完大合照之後, 再嚟一張各有各望先~ 

(左) 漢堡包 : 咦~~ 大哥, 你行去邊度呀?? 

(後) Jack Jack : 我想我哋兩兄弟再嚟多一張合照嘛~ 

(左) Jack Jack : 漢堡包, 你唔好呷醋啦~ 我哋兩兄妹都影番一張合照啦! 

(右) Jack Jack : 等我又同 Mo 仔影多一張相先~ 嘻嘻, 睇吓我笑得幾開心! 

Mo 仔 : 玩咗一陣間, 突然有啲微微雨呀! 不如我哋轉移陣地啦! 

Mo 仔 : 嘻嘻, 我哋一齊嚟到呢間位於荃灣嘅 cafe 度休息吓呀!! 

Mo 仔 : 大家睇吓我大哥 Jack Jack 攤係地下度攤得幾舒服!! 

(左) Mo 仔 : 啲大人話想幫我哋影張大合照, 不過... 我哋唔係好合作啊! 

Mo 仔 : 嘻嘻, 不過一講到有得食, 我哋三兄妹真係好齊心好合作o架! 

Mo 仔 : 開心的時間真係過得特別快呀! 我哋三兄妹係時間要返屋企喇! 好啦, 遲啲大家再約出嚟玩過啦! 

  後記 by Mo 仔媽媽 :

  今日佢哋三兄妹團聚, 我哋大人小朋友都玩得好開心, 而且我哋仲分享佢哋三兄妹的有趣事, 原來佢哋嘅性格真係好似, 有時連神情同眼神都好似o架!

  不過........ 喺三兄妹當中, 我家的 Mo 仔係最奀皮最熱情的一個, 佢成日開心到吠, 又好多嘢講呀!! Mo 仔, 話哂你都係漢堡包的二哥, 你要做個好榜樣嘛!!