放假行寵物展

一連三日在亞洲博覽館舉行的第四屆寵物用品展，今日開始喇！因為媽媽喺呢個週末週日都唔得閒，所以佢今日特登攞假，仲相約 Jack Jack 媽去行吓。不過佢哋冇帶我哋兩兄弟去行，話如果帶埋我哋去的話，會阻住佢哋買嘢喎～   

算啦，無得去都唔緊要，  最緊要佢有買嘢俾我啫～～ 媽媽話今年呢個寵物展無咩特別，而且攤位數量又唔多，但好彩佢都有少少收穫。

Mo 仔：咦～ 呢啲咪係媽媽今日行寵物展的收穫囉！ 

Mo 仔：等我睇吓啲戰利品先～ 

Mo 仔：今次收穫都算 ok 啦！ 

Mo 仔：媽媽，我好心急呀，你快啲俾我食同俾我玩新嘢啦！ 

Mo 仔：至多我乖乖地趴度俾你影相啦！ 

Mo 仔媽媽：好啦，見你咁乖，就俾你玩住呢個玩具先啦！ 

Mo 仔：Yeah～ 我至愛的"雞脾骨骨"，等我咬吓你先～ 

Mo 仔：不過爸爸佢好衰o架... 成日趁人咬骨骨就影相，  我好怕羞o架嘛！好，就等我擰轉面，用個 pat pat 對住佢先～ 

Mo 仔：嘻嘻，你影我唔到，你影我唔到！咁我就可以盡情地，在無人騷擾下咬骨骨啦！Yeah！