彭福閒閒遊

今日陽光普照, 天氣咁好, 當然要約埋 Jack Jack 大佬一齊出去玩啦!! 好啦, 就出發去狗狗嘅開心樂園 - 彭福公園玩啦!

Mo 仔 : 親愛的彭福, 我又嚟喇!! 

Mo 仔 : 媽媽, 我哋行快啲去玩啦! 

Mo 仔 : 我預備好喇! 

Mo 仔 : Ok, let's run! Yeah~~ 

Mo 仔 : 今日我哋好早就到彭福, 所以冇乜人, 搞到我哋好似包場咁... 哇哈哈! 

Jack Jack : 哈哈~~ 時間尚早冇乜人, 好正呀!! 

Jack Jack : 等我盡情地跑跑跑先~~ 

(左) Mo 仔 & (右) Jack Jack : 跑完一輪, 不如齊齊休息吓啦! 

(右) Mo 仔 : 之後就等我哋表演吓 - 兩狗爭水飲啦!! 

Mo 仔 : 咦... 大佬大佬, 你去咗邊呀? 

Jack Jack : 嘻嘻, 咁早仲未有好多狗, 我當然要跑多幾轉啦!! 

Mo 仔 : 哈哈, 我就冇你咁好氣, 寧願趴喺草地曬日光浴啦! 

Mo 仔 : 爸爸, 你可唔可以幫我影張相, 要好有休閒 feel 呀?! 

Jack Jack : 跑完一輪運動完後, 吸啖空氣都好似新鮮啲呀!! 

Jack Jack : 嘻嘻, 睇吓我開心笑到一字眼呀!! 

Mo 仔 : 唓...   大佬嘅一字眼本領好叻咩!! 等我又試吓表演先~~

Mo 仔 : 噢~~ 點解我做唔到一字眼嘅?! 

Mo 仔 : 算啦... 既然我一字眼唔得, 就等我表現我嘅招牌笑容啦! 

Mo 仔 : 嘻嘻, 再來一個側面長脷 look 先~~ 

Mo 仔 : 今日 Jack Jack 仲約埋佢嘅可愛表哥 - Bebe 嚟彭福齊齊玩. 

Mo 仔 : 仲有靚女表妹 - Muiji. 

(右) Mo 仔 : 咦... 你哋呢個鐵三角老表陣容好強勁呀! 

另外仲表現排排坐添~~ 

Mo 仔 : Jack Jack 大佬, 你個姿勢同支樹根好吻合呀!! 

Mo 仔 : 哈哈, Jack Jack 同表哥 Bebe 嘅趴低姿勢同表情都好相似呀!! 

Mo 仔 : 玩咗兩個鐘頭後, 開始越來越多狗仔嚟彭福玩喇! 

Mo 仔 : 雖然人多狗多, 不過爸爸媽媽讚我今日自由行嘅表現都唔錯. 嘻嘻! 

Mo 仔 : 好喇... 都係時候返屋企洗白白喇!!