柴魚花生豬骨粥

<<柴魚花生豬骨粥>>
唔知道大家仲有冇睇富貴門呢可?!我呢~~就唔係好專心咁睇~但係都覺得個編劇係唔係傻架?!講真~阿一鳴尋晚咁對一心~真係白痴到唔白痴囉...阿一心唔知道你係沙富來架...喺度扮情聖撩人?!同父異母架...喺度教壞人...仲有呀~~點解卓家上上下下都咁冇腦架?!竟然阿一鳴話咩都要做?!離婚冇得做CEO...真係低B到震呀...
講完無聊嘢~~又講返我個粥喇~哈~今次煲得結咗少少~因為阿黃先生話唔飽喎...~~D柴魚喺煲嗰陣呢~真係好香好架架~~但係都唔平~買咗一條半都成九蚊雞...但係好味就得囉~~~記住呀~煲粥要用較大嘅火煲呀~~點解呢?因為火夠大呢~D 粥就會喺個煲到不停轉動~咁就冇咁易黐底啦~仲要記得得閒順時針咁撩吓D 粥喎!!
材料: 一杯米, 十五杯水, 豬骨, 柴魚一條半, 花生適量

STEP 1
豬骨 用鹽醃一小時, 然後出水; 柴魚及花生用水略浸

STEP 2

將米洗淨、隔水，加入鹽及油醃。預備大煲滾水, 加入米~豬骨,柴魚同花生煲約一小時至綿身~下鹽調味即成.

** 間歇地攪拌煲內的粥，以防底部起焦.**