跳舞唔好成個諗樣咁

終於等到阿sir放完假返黎, 當然要約埋阿partner喪跳, 阿sir話zumba全部快歌, 聽到都驚, 不過臨尾都有隻慢歌hea吓, 回吓氣, 今日有d新step, 唔熟, 希望下個禮拜可以跳得好d

Jazz依然都喺上個禮拜嗰隻, 不過今次由中間教起, 教慢咗又睇得清楚, 進步過上個禮拜跳, 我依然覺得插落去再慢慢拖番嗰身上黎嗰step好型好正, 不過d慢子就數黎數去都未數得掂, 我不嬲都好怕數d半拍, 成日數快咗, 仲比阿sir話唔專心添, 希望下次會好d

跳跳吓阿sir叫大家要望鏡跳, 唔好望其他人, 唔好成嗰諗嘢樣咁, 又唔駛太high, 總之正正常常唔會嚇親自己就得喇, 結果大家聽完笑咗一大餐之後果然好咗, 阿partner話以前阿sir上堂唔講笑, 而家多咗, 我反而鍾意而家咁, 笑吓, 上堂輕鬆d, 心情好d, 煩惱都會少d