第1日星期六 : 原本今日係打算出發過澳門玩兩日,由於天氣關係所以最後我地都冇去..因為知道咁既天氣過去澳門,我地個行程都唔可以照舊 ~ 落雨冇得玩小型賽車<我次次都必玩架> ~ 冇得行黑沙環 ~ 去手信街又唔方便,落雨濕濕有好多地方都唔到 .. 如果用幾千蚊過去 ~ 又冇得玩我令願下次天氣好先去喇 .....因為真係 ~ 好唔化算 !!
去唔到澳門又唔想浪費咗我兩日假期於是我地就地轉咗去南Y島玩 ..南Y島好細 ,,但如果情侶入去都幾浪漫既,可以聽下海浪食下嘢~黃昏又可以欣賞日落<好天既時候呀> .. 落雨我冇得睇日落只有海浪, 個到D渡假屋大部份都有露台海景 ... 好正 ! 我地租個間仲要係超級大海景, 唔使落下面開隻窗已經可以睇到聽到哂..瞓係張床聽海浪睇書...好舒服 ~ 我地落去周圍行下....周圍食下野..睇下冇日落既天..聽海浪睇下書睇下電視...咁就1日好快過咗喇 !!
第2日星期日: 病了 ~ 一起身個頭同隻眼好痛..仲頭暈暈想嘔,我估可能落雨冷病 , 跟著即刻去搵E生 .. 點知南Y島呢個地方係冇診所架,只係得一間小型健康院,星期日仲要係冇E生係度,個護士姐姐叫我出返香港睇..佢地只能夠幫我寫轉介信返香港既醫院睇~ 因為佢地冇E生..之後我地咪走去等船囉 , 途中我都嘔咗兩次 ~ 好辛苦 我等船既時候瞓~上船瞓~落船上巴士又瞓~之後返到屋企都係瞓 ~ 全程 我瞓咗好多轉, 以為好D夜晚仲同屋企人出街打邊爐........... 點知 !!
第3日星期一今日: 起身同尋日朝一樣~頭同隻眼好痛暈暈地想嘔..但今日冇嘔叫做好尋日少少.. mm 落街睇完醫生,有d發燒同感冒.. 醫生開咗d藥俾我..食完休息瞓一陣10:00pm我就返工...返去做盤點,我諗起碼盤到一兩點先可以收工 <唉..第一日返工就俾埋條命佢>
DSC00380.JPG
P3062669.JPG
P2262512.JPG
