好用嘅狗狗沖涼美容秘密工具大公開！慳錢 yeah yeah!

因為已經搵到一家好嘅pet shop沖涼，已經無自己幫佢地沖，不過呢間shop都係半年前先搵到嘅，咁我過去2年半點同佢地沖呢？而且高峰期我地養左11隻狗，更加要自己幫佢地沖（果時仲要特登請人黎照顧狗狗）。

以前響HK養狗，每星期都至少洗＄600比兩隻狗狗沖涼，一個月計埋就＄2400啦！返到黎大陸，有做寵物行業嘅朋友指教，先知以下方法又平又好：

1 沖涼液（因為已經用完，無相），其實唔洗買好貴嘅，去淘寶到搵吖，有好多salon size嘅沖涼液，pet shop都用緊，雖然幾百蚊支，但係夠用好耐！比如 http://item.taobao.com/auction/item_detail-db2-94dcf733011b2a7a735573b54f6d9e49.jhtml  成 1L，一隻狗at lease 用一年！

2 沖涼按摩刷  有左個刷幫手，長毛毛嘅洗得特別乾淨，起泡又快！而且狗狗仲好engjoy！HK我諗賣＄30左右，我嘅係響大6嘅寵物用品批發市場到買，RMB＄10個，用左兩年都無爛，抵！

3 吸水毛巾 大型狗狗或長毛狗狗，你發唔發覺用條大毛巾抹極都好似無抹一樣呢？用吸水毛巾啦！一抹完，即刻可以拎走D水份再抹過！而且細條易handling D，之前我用大毛巾，成日比BuBu以為玩具咁一路抹一路咬！條條都穿晒洞！大6就大約RMB＄10有條，HK好似要＄30左右。

4 吹毛機  （大陸叫「吹水機」！堅架！有圖為証）：就好似人用嘅風筒一樣囉！有得調風力同冷暖風，但風力就強幾十陪！勁快乾，平時用佢幫Bomber（金毛）吹毛都係十幾分鐘攪掂！以前響HK時會用風筒，但狗狗勁無耐性，吹到半乾已經發晒脾氣！所以呢個「吹毛機」係沖涼入面最重要嘅工具！不過開機時都幾嘈架，嘈過吸塵機好多！我呢個係啱啱返大陸時買，唔識買比人呃左，本來＄500左右買左成千，大陸一般幾百蚊有個好OK嘅啦！成千果D就會靜好多嘅。香港就唔知有無得賣同幾錢啦。

（有圖為証大陸叫「吹水機」嘻嘻）

5 清潔耳仔 棉花棒 酒精 耳仔粉 以前響HK會買成百蚊支嘅耳仔清潔液，但專業嘅寵物人教我，唔洗咁嘥＄嘅，用油精已經又乾淨又消毒，仲唔會有多餘嘅液體留響狗狗耳仔到！

呢種酒精響大陸勁popular，咩醫葯野美容野都用佢消毒，又平又大支！（記住係酒精喎！唔係火酒！唔同架！）

I love this 棉花棒！！長過平時用嘅好多！木做嘅，成40-50支一包先賣RMB＄1！普通HK嘅棉花棒太短，而且太軟！「了」人嘅耳仔都唔多掂當更何況「了」狗狗耳仔！以前響HK會用長嘅挾挾住棉花球。而家就直接用呢個沾酒精去「了」耳C就得啦！

耳仔粉，好似大約係＄60左右，「了」乾淨左之後，「唧」D入去耳仔到，跟住就可以用眉挾「蚊」耳仔入面多餘嘅毛毛，當然唔「蚊」都得。用左耳仔粉，狗狗嘅耳C無咁易堆積架！好好用

6 修指甲 呢part 唔多講啦，因為我相信大家都有經驗啦，不過可以提下大家，長毛狗狗記住要剪腳板底毛喎！唔係跑步時會「善」呔架！

其實我地用「電剪」多嘅，但因為最近半年都唔洗用，就送左比人，但無電剪之前就係用普通剪頭髮嘅剪刀

7 響呢到介紹下我買到嘅好用幫手！「伸縮」針梳！我地KEEP住晚晚幫BOMBER梳毛，呢隻針梳好用！因為當你梳完毛，要處理梳上面D毛都幾煩架！但係佢「針」嘅部分係有個制比你一按就縮入去嘅，所以每次梳完咁個制D毛毛就掉晒啦！

BuBu有新頸圈帶，勁有型， PUNKY!

BOMBER一無聊就會將個頭靠響茶几到，而且仲好鍾意單眼望你~~好cute

BUBU一開心，佢條尾嘅動作就好攪笑！好似玩yoga咁！