你鍾意邊類電視劇？喜劇? ugly betty 類:chuck, worst week等

原來香港明珠台會上嘅美國電視劇真係好少！

所以特別響呢到分類咁介紹，用香港有上過嘅電視劇黎分類，等大家影D對號入座，搵到合心水嘅劇

ugly betty 響jade台播到第2季，而我已經睇到第3季嘅第11集

ugly betty 雖然都係每隻講一個故事，但就唔屬於「處境式喜劇」，如果你睇過呢套劇又鍾意每集唔同但又有連接性嘅喜劇，我會介紹以下：

CHUCK

CHUCK已經出到第2季，內容係講一個無鬼用嘅超市員工Chuck，無情情比個舊同學將部超級電腦嘅資料入晒落佢個腦到，咁佢就被迫同呀特工靚女Sarah特工怒男Casey一邊響返呢間超市到扮打工，一邊開始佢地對付壞人嘅事。

內容雖然係講特工嘅故事，但講真，一D都唔覺得「驚險」架！反而係睇呀Chuck嘅烏龍野啦，仲有佢超市果班奇呢怪嘅好笑野

呢班友仔直情拍得住「稻中兵團」呀！選角呢方邊真係一流！都唔知點解咁奇呢嘅人都比佢地搵到！

WORST WEEK

呢套叫 Worst Week，唔知大家有無睇過電影「Meet the parents」同「Meet the Fockers」？中文名好似叫非常外父揀女婿同非常外父生擒霍老爺（啱啱響internet查到）

呢套Worst Week就直情係同電影版嘅背景一樣！而家啱啱第一季，都係由一個新女婿，SAM，善良但黑仔又倫盡，屋企勁大做法官嘅外父組成。內容就係SAM不停發生嘅倫盡好笑事，例如比滾水淥到即刻除褲但又咁啱果日some how著左女人底褲啦，比人裸體咁趕左出街要用垃圾袋包下身啦~~~好笑嘅係後尾其他人都開始比SAM傳染，一齊又論盡又黑仔~~

除左以上之外，如果額下係鍾意「處境式喜劇」嘅，除左你地睇左N年嘅FRIEND之外，以下都係唔錯嘅選擇：

Two & a half men（已經出到第6季）

講個大佬失婚，帶住個細路，去投靠細佬到住。而個細佬係個playboy，一個人住間大屋，2個半男人發生嘅事

Do not disturb (可惜只係得3集嘅短劇）

個黑人女主角勁正，講野好好笑。仲有傻更更好色男主角。

The Big Bang Theory （出到第二季）

講兩個IQ高嘅電車男，鄰居係無腦靚女，佢地一班人發生嘅攪笑事

呢個type嘅劇講到呢到先，遲D繼續