3號仔byebye

大家好呀~

唔知大家琴日有無睇報紙呢？

琴日生果日報頭條 - 有個男子因為炒股失利以致欠債，收數公司上門收數，

而該男子既爸爸得悉事件後，晌屋企當場因為突發性心臟病病發死亡。

呢家人正正住晌我地隔離屋。

事件中既爸爸，我地叫佢做"3號仔"，因為佢門牌係3號。

3號仔係我蚊姐既best friend係我老友。

佢每次出入都要經過我屋企門口，每次佢都會叫我同我傾計同我玩，

最緊要係佢不停地讚我乖。

每次我去完街都會走過去3號仔屋企門口同佢打個招呼，跟住我先再返入屋。

平時屋企個個返晒工，都係3號仔報串比我老媽知我會狼叫。

每日我晌屋企乖唔乖有無嘈3號仔都會做証人話比我老媽知。

3號仔好好人，佢好鐘意釣魚每次佢有收穫都會分比我，

因為佢知道老媽會煮湯比我飲~

我地有涼茶都會斟d比佢飲，因為佢唔識得"blow"。

有時細媽整既餅餅老媽都會分比佢個孫仔(係隻金毛仔)食，雖然我同佢孫唔妥。

事發時我同老媽去左浪茄，到我地返屋企時聽到呢個消息都唔相信。

因為果朝早同前一晚都仲見到3號仔. . .. .

明明老媽前一晚先比左個09年新月曆比佢，

明明果朝早3號仔仲同我呀公傾計話周身唔舒服感冒，睇左醫生$180打左支針....

但點知轉個頭3號仔已經走左. . . .. .我地全家都覺得好可惜。

3號仔你一路走好啦，我蚊蚊會永遠記得你架~~