唉 ~ 女人

為左迎合聖誕黎到   

公司一聲令下全人類化妝要銀紫色 

就因為呢個閃閃既化妝 , 攪到我都想閃人    

女人係一種奇怪既生物   

唔知道大家有無呢個經驗  ?!!

就係你去 SHOPPING 買衫 , 拎住邊件 ! 身邊總係有女人望住你拎住0個件

到你去比錢 , 佢又會走去問個 SALES 有無多件比佢試 ~

重有D女人見你放向銀機0個一刻 , 埋門一腳 ... 攞起就當係自己 ~

呢幾日公司出現爆多女怪客  

我直情想(的)佢地入後巷清理佢地 ...

就好似今日 ...

有個中女一入到黎

把把聲衝過黎我度

一隻手指對住我對眼話要我既 Eyeshadows 既色 

甘我就介紹比佢睇0個隻牌子

佢試到成手 Tattoo 甘 , 都話唔係我0個隻顏色

叫我攞我用0個盒出黎比佢睇先信我   ~   

解釋左比佢知個個人出黎效果會唔同 , 佢都唔啱聽 ~

同事忍唔住出手打救我 , 佢重鬧我地 ! 話我地夾埋呃佢 ...

著哂火   !!!  

但都要忍  !!!  

輪到主管出口... 一句說話終止左呢場大戰  !!!  

( 小姐 ! 一個人醜樣 ,點化都係醜 ... 就算而家你買到隻 Eyeshadow 唔代表你變到我同事個樣 ... )

個女人聽完無出聲就甘走左   ...  

向零售業黎講我地一定唔啱   

因為客人永遠是對的  

但對於人道立場 ... 我絕對支持   !!!   

SALES都係人 , 都係打份工做咩要難為我地  ... 

好彩

我地呢間公司D女仔已經百毒不侵  ~~~ 

傻下笑下又一日 ~ 哇哈哈 !!!