野獸刑警

 

 

 

 

 

 

 

 

旺角警署都會發生強姦女報案人

即係咩？

代表你可以當街當巷見到女人就強姦囉 !

警察形象　～　我不嬲都唔多ＬＩＫＥ

再加上呢間 旺角警署Ｄ警察哥哥我一早見識過．．．．

不知所謂

 

 

幾年前做緊酒吧 , 公司要請人

老闆同我講（成間公司無人有恆生咭 , 你借黎用一次向Ｘ利雜誌賣個廣告請人.）

甘一個月啫! 佢又即時比番錢我..甘佢就話填埋Ｄ資料再比我簽名

講完又無左件事

 

 

過左幾個月我好日唔睇下張月結單

原來雜誌唔止一個月過左我數

問完銀行再番公司問

佢地重大條理由話　~  好少事啫,而家比番錢你 

下～～？？？

我無簽過任何野個喎.....點會過到數？

打去雜誌度問 , 叫佢ＦＡＸ番Ｄ資料比我

一睇......個名唔係我簽喎 !

唔洗講 .... 辭職 

 

 

之後

我做左一件好後悔既事

就係去左旺角警署報案　

 

 

 

向報案期間, 個警察再三問我係咪決定左告佢？

我答係之後,就ＣＡＬＬ左２位唔知咩組既同事接手

一落到黎就叫我行去門口左邊間房

再問一次件事

又問多句（你係咪肯定左告佢？）

係呀 !!!  唔係我入黎差館搵你傾計咩 

點知個警察話 (你知唔知你都犯法，信用卡係唔可以借比人用？)

 

 

講多兩講 ~ 除左FEEL佢係嚇緊我之外

就係佢２個根本就唔想跟 , 唔想做野

但因為我堅持落案

又上左樓

入左間好似雜物房既地方...佢一路煲煙一路落口供

細節唔講太多因為講黎把幾火

 

 

過左好似一個月

0個位警察打黎

話已經搵左酒吧老闆同有關人仕番差館

我問左佢幾樣野

佢話 ( 證據唔夠 ! )

我話個名唔係我簽,佢都無事無犯法咩...

重點係佢答我

 

 

 

( X 小姐 ! 你都唔係想告佢啫~其實你都達到左你個目的啦 )

 

 

 

哇 ~

咩意思

佢講完之後

我直情對警察呢個行業

極之失望  同 睇佢地唔起