M群~GOO記

6月尾果陣喺菇校見到話有goo既MSN群，
我即刻加入左...
我發覺我喺菇校講野既話我會好驚，唔知點解wo...
成日都驚講錯野，又或者做左個post最後一個人reply，
好似冇人理我咁...可能我始終唔係玩開forum既人~
而喺goo記(goo既MSN群)度我可以講到好多野，只係我冇時間去玩...
而且又唔想比呀媽知...(我已經唔係成日玩MSN同埋電腦啦，佢都係我每一次開機佢都會話我「你又玩msn」，但其實我幫佢整緊野囉....所以基於唔想同佢嗌交既關係都係唔好比佢知好...= =)
所以成日都驚講唔夠野會比人係個list度delete
其實同菇徒們傾計都可以知道好多野~
唔同年紀既人傾計都冇咩代溝(當大家唔知對方既年齡..)又有唔同性格既人喺度...
但大家都唔會講到嗌哂交咁，實在大開心啦
難道大家都係比goo影響左....????要高腰Q同埋要尊人...!!!!
我開始亂亂地啦....要轉一轉channel先~

有一日，公司個主管叫我同另一個暑期工又幫兩棵風水樹抺樹葉，
我又抺番上次果棵，唔知點解我中意果棵多d
抺完之後，我就覺得好奇怪，明明我抺先過佢咁多，點解佢會快過我抺完...???
我番番入公司做做下，個主管冇啦啦叫：「嘩~呢棵野邊個抺嫁？」
我走出去睇，以為自己整爛野，
原來唔係我抺果棵，上面仲有好多灰(隔離裝修成哂d灰過黎所以要我地抺)...
跟住冇諗過要供佢出黎自己口快快講左：「唔怪得佢抺得咁快啦...」
不過講出黎都冇野既...佢又唔會比人鬧，又唔會比人扣人工...

之前果幾篇post既相，全部都係手機相，有好多都鬆郁濛...
所以....有得睇就算啦，唔好咁高要求啦...= =
喺公司唔可以成日掛住影相嫁...

仲發現出一樣野，原來有個唔係好熟既friend，佢家姐係忠實goo徒~~
知道左之後好開心~~~~!!!!!!哈哈哈哈~~~~~唔知佢係邊個呢~
唔知佢有冇上菇校呢~?
唔知佢有冇玩goo記呢~~~~~????
又亂啦....都係完左呢篇post佢~bye~