一日遊

今日參加咗一個中心的一日遊, 去咗唔係太多地方, 但係我都覺得好似返咗學生時代咁, 點解? 九點幾集合, 第一站就係去尖沙咀的歷史博物館, 初時報名就諗死啦會唔會好悶呢? 點知ok啦! 都幾開心, 見到d唔同年期的唔同改變, 都幾得意, 可惜唔可以逗留太耐, 所以唯有下次再去過, 不過如果下次你哋都想去, 可以揀星期三, 因為原來逢星期三, 香港的所有館都係免費入場, 所以如果有興趣, 都可以諗諗!

第二站, 梗係去醫肚, 我哋去咗YWCA到食bufflet, 選擇唔係太多, 但貴精不貴多, 媽媽就話三文魚同八爪魚都好新鮮, 不過我最鍾意的甜品就多到不得了, 有成差唔多二十幾款, 食飽飽就去最後一站, 亦係我覺我最精彩一站!

就係去美乎的嶺南之峰, 如果你係一個熱愛影相的人, 一定唔可以錯過, 因為環境好靚, 好似去到古代咁, 唔知係唔係依個原因, 我今日就係依度見到人拍戲, 重好得意, 加上我見到我多明星, 有米雪, 關菊英, 佘詩曼, 楊怡, 伍詠薇同埋惠英紅, 佢哋個個都好nice, 可惜唔可以個個都可以影相, 不過我今日真係好開心, 就係咁就完成我今日的旅程lu, 我返屋企都農夫講的時候, 重約好下次一齊再去!

雜貨店的媽媽

咁開心, 莫非造咗套新衫褲!

去押, 真係醜死鬼!

嘩! 去郵局攞信, 但係點解我未見過依款郵箱, 你究竟幾多歲呀?

流聲機d聲又幾好聽喎!

一齊搭郵船先!

搭叮叮, 去sogo!

去"非"個髮先!

睇場九點半先!

同關菊英的合照!

同伍姑娘的合照!

最後同米雪, 阿佘合照!