Yuki's birthday dinner

聽日係Yuki生日，今晚就約咗一齊去食飯。

我地2家人好耐都無一齊出去食飯喇，今晚真係好大陣丈，5個大人，2個小朋友，2個bb。Yuki想食泰國菜就梗係去九龍城啦，我都好耐無去過九龍城。

去到餐廳隔離枱見到祉言就話呢個肥妹好得意，之後有好多人都咁講。次次同祉言出街都好多人望佢架。

食完飯再去食糖水，返歸嗰時我問祉言喺我地屋企瞓好唔好，佢竟然話好喎（平時係話唔好），嗰時彥南嗲哋抱住佢，佢仲唔肯俾自己嗲哋抱番添，勁搞笑！！咁我就同Yuki講試下帶祉言上樓，如果10mins之後祉言都無扭計佢地就返屋企，祉言半夜喊嘅話就飛的返佢地屋企，結果無嗱嗱祉言就喺我地到過咗晚，哈哈！！

本來我幫祉言抹好面同腳就話唔可以落床（佢同我地瞓）要瞓覺，但係佢話要睇電視唔肯瞓，我又驚佢會喊就諗住佢睇睇下應該會瞓，點知彥南嗲哋企喺張床到抱住祉言，唔使一陣佢就瞓着咗喇！！估唔到彥南嗲哋竟然搞得佢掂喎，勁呀！！如果彥南嗲哋都可以搞掂埋彥南就prefect喇！！

因為食完先記得無影相，所以就影個menu。

蝦餅條 ~ 幾好食呀，祉言同安喬都爭住食

黃金烙餅 ~ 點咖喱一流

炒金邊粉 ~ 幾好味，好快就掃嗮

蠔仔蛋 ~ 唔錯

香葉包鷄 ~ 唔好食， 通菜 ~ ok啦！！

燒豬頸肉 ~ 好好味！！

咖喱蝦 ~ 幾好味！！

祉言食金邊粉都唔知幾知味

凱哥嘅大大碟甜品，一放低大家都嘩嘩聲

同安喬玩嘅彥南

祉言係咁偷食媽咪嘅雪糕

跟住俾凱哥stop

但係祉言已經連葉食埋嗰士多啤利

返到我地屋企，祉言就自己玩

仲坐埋彥南張low chair添！！

開始攰嘅祉言

換咗我件衫，好搞笑！！