唔想做

尋日同老公坐車番屋企，講起每人響事業上都有唔同際遇：有人註定係老闆命、有人係管理階層嘅人選、有人只可以當小職員、有人做少奶奶、有人一生都唔洗做。同老公講完依一大堆野之後，我就響度諗：哈哈，老闆我就唔恨做喇、管理階層呢其實又好鬼麻煩咖喎、至於小職員人工又低喎，諗來諗去，我諗我最適合都係做少奶奶咖喇！

記得我第一份工呢，係響一間大規模嘅貿易公司做文員，依度乜都分得好清楚，你係做依樣野就係做依樣野，日日如事，絕對唔會踩過界。做左一年多之後，多得部門阿頭睇起我，轉左我做佢Assistant，咁依個時侯就乜都要做囉。我果時個阿頭係”紅”人黎咖，大老闆好睇起佢添，而且我地部門都算係搵錢，所以我阿頭係要風得風，連帶我地成組人都有優待。以前公司呀，連攞枝筆都要入紙申請咖，每個部門只有一部fax機；但就因為我阿頭係”紅”人，佢同大老闆講一句，我地就可以有多一部全新嘅fax machine喇！唔講你唔知喎，我阿頭係一位又後生又靚嘅女士黎咖，仲要係佢好鬼型咖喎，人又叻，三十出頭就已經成為一家大公司嘅director，諗番起以前可以跟佢做野，都覺得幾光榮咖！

離開左果間大公司之後，我一直都係響d中小型公司工作，因為公司細，所以就乜都要做，依樣學d果樣學d，我依家都算周身刀，不過無把利咁囉！

依家份工都做左5年喇，老實講真係有d煩悶，好想轉換下環境。而且做左野咁耐，都好想停一停，放番個悠長假期，拋開所有野，真正咁休息下！