網誌分類：Blue Blue's Life |
剛過去的周末沒有街去留在家, 突然去 now.com 睇下有咩睇, 見到 "我係金三珣"。這套劇我去年出 trip 在上海的幾天看了部份, 覺得好有趣, 打算回港看的, 後來無咗件事。 好耐無追劇了! 於是就開始看了一集, 真是一發不可收拾, 這兩天一口氣看了 15集, 只剩一集大結局。我好少咁樣追劇的, 哈哈哈! 人都癲!
其實我都幾 out 的, 這已是 05年的劇, 亞記都播了好幾次 ... 不過我今次看原裝韓文版, 相信好過看亞記配音版的!
實在很喜歡這套劇, 因為一直看下去很有共鳴! 頭一集某些場面確實幾似 BJ 單身日記的, 再看下去就覺得好看過 BJ! 首先, 有很多笑位, 再看就有好多感動位, 眼淚不知不覺就流出來。 套劇的歌和配樂都很好聽! 不得不說韓劇的水準比起現在的港劇實在高很多!
女主角真係做得好癲, 好粗魯! 佢都唔算好肥啫, 只係肥我少少, 呵呵! 這套劇的女人都係鍾意打人的! 哈哈! 男主角雖然 young, 但越睇越靚仔, 有型! 原來叫玄彬 .... 我聽過佢個名, 當時仲諗: 係咪即元斌? 我都好鍾意佢的。我都曾經諗過, 如果個男仔好似男主角咁細我 3 年, 我會否接受呢? hehe! 遇到先算啦!
我很少記得對白的, 但這套劇的對白實在精警!
邊度買呢套碟會平 d 呢? 雖然近排慳錢中, 但好想買!
好了! 要瞓了! 明晚約了兩位靚仔! hehe!
