網誌分類：Blue Blue's Life |
圖片
網誌日期：2009-02-08 17:12
星期五晚是公司的 Annual Dinner, 本來說 6點前走, 我最後都搞到差不多 7點俾老闆趕才離開出發去酒樓。
今晚都有 30幾人, 有些是大陸同事, 開席前打下麻雀, 玩射龍門, 氣氛好好! 這裡的菜式都不錯呀! 食到咁上下同事們就唱下 K 和跳跳舞, 真係好鬼熱鬧!
之後竟然有頒獎時間 ~ Best Employee Awards! 有 10位同事得獎 .... 而我都有幸得到其中一個獎 ~~ Most Helpful Award .... 獎金 5舊 Yeah!! 離開學校後都無得過獎呢! 哈! 不知不覺在這公司已經 8個月了, 時間過得很快! 無諗過做了短短 8個月都有獎呢! 呵呵! 另外, 有些同事得進步獎, 最準時獎, 最勤力獎 (i.e.: OT 最多, 哈哈!)
張獎狀咁快就皺哂! 太唔珍惜喇!
在舊公司咁多年的 annual dinner 都只係吃下飯, 抽下獎, 無咁好玩呢!
10點幾散席, 時間尚早, 幾位同事都未想歸家, 於是去了唱 K! 一邊唱 K, 一邊繼續玩我們的射龍門, 玩下玩下我都輸了一百, 本來打算輸埋最後 5蚊就唔玩 lu, 點知由 5蚊玩到贏返 $50 .... 到返本, 最後贏了一百蚊, 多謝同事們! 哈哈! 星期一請返你地食 tea 啦! 唔洗多謝我!
看來我在 09年的財運都不錯喎! 咁桃花運幾時來?! 呵呵!
零晨 4點才回到家, 差不多 6點才睡, 星期六早上 9點就起身上網做少少公司野, 然後又瞓返 .... 中午餓醒了, 吃了點東西又瞓到 5點幾, 正在發個好夢時俾阿媽叫醒! 我想知個結局呢!! 真係好耐都無試過日頭都瞓到覺!
