尋覓彩虹 - 憶澳洲流浪記

自友人贈我一句﹕「To climb every mountain, walk every stream, follow every rainbow till you find your dream」後，我一直沿用此句子作為自己 blog 的開場白。是對的，在找到彩虹前，總要攀山涉水，超越重重難關。一番經歷過後，到實現夢想時，那份喜悅，那種福份，更顯彌足珍貴。

最近流行於爵士音樂界的年輕女歌手Melody Gardot，在19歲那年不幸因車禍而導致下半身殘廢，悲痛過後Melody沒有自暴自棄，反而積極接受音樂治療。音樂，不但醫好了Melody的心靈，也啟發了她的天份，覓得人生彩虹。今年只24歲的 Melody Gardot出道只短短兩年多，已成為全英國最高銷量的女歌手之一，相信日後她能在音樂事業上繼續大放異彩。

2005年我流浪澳洲，為了節省旅費，曾於當地一鄉村一家庭內寄宿，每天為「主人」剪草、洗衣、買菜、煮飯、放狗、餵馬、湊BB……….日復一日，完全不知、也懶理外面世界發生什麼事。有一天，突然下起大雨，未幾又突然綻放陽光，慢慢地，看到烏雲間出現雙彩虹，這刻我才意識到，是時候要回家了。

四年後的今天，不知怎的想尋回當時的相片，回憶一下......

當時我只帶了傻瓜機，唔夠 wide，影唔到 double rainbows，但肉眼睇得好清楚，好記得好記得，那是一雙很廣寬很美的雙彩虹 ~~

我的小主人 Sophia，當時唔夠一歲，眼仔碌碌，好乖，好好湊~~~

佢媽咪係女權份子，我都有陪佢去社區中心聽佢演講，鼓勵女士在家分娩，另外我係佢身上學懂什麼是有機食物，怎樣製作有機肥，因為她是百分百的有機食物支持者。

我另一個小主人 Maggie，佢係我要走o個日，好頑皮衝出馬路，在兩架風馳電製的對頭車穿插過，嚇到我差D暈左

仲有隻馬，牠的希臘名我真唔記得o左，只記得佢好乖，我騎佢的時候佢都會聽聽話話的就住我慢慢行

我的鄰居都幾盞o架，呢個婆婆好好人，佢請我食雞脾、邀請我去佢畫展、仲教我做飾物，之後我隔幾日都會去佢屋企幫佢做飾物，等佢可以攞去周末市場賣賺外快。

仲有呢兩個百厭星，一時叫我幫佢影佢隻貓，一時叫我影佢地打架......日日都玩到好癲。鬼咩，佢地的父母成日鬧交，D粗口勁到，我好唔想聽，唉....

超好味的 Frittata，記得臨上火車前，怎也要再吃多次~~

不遠處有個靚沙灘....

乳牛場....

和草莓園，都幾多野睇o架....

我寄宿的家，不大，但載滿了很多很多回憶.....