出世一個月...媽媽坐月既心情~

仲有2日澄澄就有一個月啦~

諗返起一個月既個日..就好似尋日發生既事咁~

個種心情~有d驚..又d緊張..有d開心..又好痛苦..呀!!!(不過終於都過左啦..仲生埋我地既寶貝)

好想自己湊佢..教好佢~~我要將最好既野俾佢..同教導佢~~

但響呢短短既一個月裡..發生左好多野..唔開心既事多過開心~~

同佢家人嘈左幾次~因為阿b..因為人地阿b..因為家人同家人之間,,唉!!超煩!!

有時真係諗..如果阿b一日都未出世~係咪唔開心既事就唔會發生響我身上呢??

呢一個月裡發生既野..我諗會造成我地兩家永遠唔可以和睦相處既一個月~

爸爸已經唔鐘意同我傾計啦~媽媽已經唔再想理我個邊既生活如何~(又可能佢更加唔放心我在個邊既生活啦)而老公已經唔想錫我家人啦~唉....

本來阿女出世係開心既事~而家~因為某d人既所作..令我同自己的家人..很難相處,很難溝通~仲要我去面對某人..某人而家就最開心..因為佢有大把人錫..大把人就佢..有冇人會諗到我呢??佢既行為令佢身邊既人更關心佢..但就令我身邊既人都好難受~我只希望自己既父母同我關係好者..唔好攪到我既父母都咁難受呀..(我亦冇要求過你地個邊既人對我好..點解你要攪我家人呢??問心個句..有得罪你嗎?)

心好痛!!(坐月既日子..只好抱住自己個女..心情先會好d~)