520~澄澄出世啦~

一早8點幾起身..諗住最近都幾日m痛咁..可能要去大便者..

所以完全冇諗住要生既念頭..點知一去完廁所..嘩!!見紅呀..

即刻叫醒老公..話佢知..阿b好快要出世啦..老公就好緊張..又話要食野.又話要準備..佢仲緊張到肚痛-.-"

10點幾去到鏡湖..做左胎監..通便...就叫我入待產房休息..因為個時個肚只係好似平時黎m咁痛

仲可以走得食得..12點幾..食左飯..又再做胎監..但..都係1度都未開..都只可以等..

點知到左1點多..個痛開始幾mins痛一次..個種痛..係急大便咁..有d扭肚痛..不過都仲行得..

但我個時已經痛到嘔左之前食既野出黎啦呢種痛楚直到4點..又開始升級..>0<

由幾mins痛一次變成分幾鐘痛一次..仲要係開始有野頂住我下面..想呵大便..又呵唔出呀

護士又黎同我check..點知我都係1度都未開..又唔打得無痛針..點頂呀..

個心開始好後悔..點解要生bb..真係好痛好痛呀之後我連行步路都唔得啦..返房休息又嘔多一次..

當時真係頂唔住啦...再叫姑娘黎同我check~如果我仲係1度都未開..我就想叫佢同我開刀架啦

個時已經係6點啦..個種痛..應該就係十級痛..又扭肚痛..又急大便..又頂住..又m痛..條腰仲要好似痛到斷左咁既最高境界>0<

d姑娘已經入黎話左我幾次架啦..叫我唔好嘈..但我真係頂唔住..之後姑娘唯有再幫我check多次..

點知..check完佢就叫我入產房啦~~個刻真係勁開心..因為我既痛苦好快可以得到解脫~~老公響呢個時候返緊工就即刻趕黎..睇阿b既誕生..

我入到去產房..得我一個-.-"助產士有兩個..一個就打緊電腦~一個就叫我吸佢既笑氣..但我冇聽佢地講..只係不停咁叫..好痛..得未..我唔得啦..係咁大叫個人又不停典黎典去..典到張床d野差唔多跌晒-.-

助產士都算好好..因為我咁痴線..佢地既態度同語氣都好似哄細路咁..叫我乖乖地唔好嘈..叫到冇氣!!就唔好..佢地仲叫我媽俾d野食佢地餵我..因為我嘔晒出黎-.-冇野響肚到..

得到醫生黎到..原來我入產房已經開左5度啦..佢地想幫我穿羊水..但..原來我入產房前都穿左啦(應該係嘔既時候穿左)之後我就不停叫..我要呵屎呀..好痛呀..唔得啦..點解咁耐都未出黎架-.-係咁叫..

醫生就係咁教我點用力..點生..助產士就餵我食朱古力同飲湯..一個就幫我打針..個一刻真係唔知點形容..個心只係不段咁諗..我要呵阿b出黎..冇幾耐..feel到下面好痛..應該係阿b個頭頂住我..我就黎爆咁仔..

我就見到助產士同醫生都好忙咁拿毛巾..準備剪刀個d..我知..佢地要剪我啦..佢地大叫..用力啦!!我就大叫..係咁用盡全力呵呵呵!!個一下..好快..我只係知..佢好似一剪..我一呵..個bb就出左黎..佢地即刻放佢響我個肚到..嘩!!個一刻我成個人都鬆晒!!!阿b好暖...好舒服~~雖然係血淋淋..不過我一抱住佢..佢就好似好舒服咁響度訓覺..之後助產士幫我縫針..個d痛~我已經完全feel唔到架啦~~呵呵!!

不過最可惜就係..我叫我老公1點鐘返工..諗住佢夜晚放工我都未生..點知佢6點開始趕黎睇我..都趕唔切~因為我生阿b生得快~~老公黎度..阿b已經去左洗白白啦-.-"

仲要係佢見唔到佢老婆最痛苦..最可憐既樣>0<如果我地再生..我一定唔會再俾佢去返工架>0<