1月3日大日子~

一早6點幾化妝師就打黎叫醒我..好眼訓呀....

一路化妝我都係恰緊眼訓..個個問我緊唔緊張..我個腦都係一片空白.

到左9點.新郎黎接新娘啦..我聽到老公響下面大叫開門時..我個人就開始唔知做咩好..我連套掛都未著好>0<點算?我媽同阿爸就沖左入黎.話等新郎黎接我時帶我出去..開始識驚啦..

之後聽到老公響度唱歌..個個都響度笑..哈哈!!仲要佢唱普通話..真係(好聽)到唔知講咩好..之後班姊妹好似唔記得整d咩..就叫佢唱多首我鐘意聽既歌..我一時間都唔知唱咩好.個化妝師就講左一句.叮噹啦!

因為我個電話鈴聲係叮噹-.-"呵呵!個傻佬真係唱晒出黎.不過之後d遊戲我就聽唔到啦~愛的宣言我都係聽到幾句咋>0<"我阿媽就好心急開門話出去啦..叫我阿爸拖我出去..d人叫阿爸同我老公訓話幾句先好交個女俾佢..咁佢就講左d平時成日都話既野..以前聽起黎唔覺係咩..個日聽到就想出眼水

交左個女俾人..就梗係飲茶時候啦~以我記得..我個時係不過口咁..唔知講咩..(鬧人多)>0<衝忙中咁就ko左女家..準備出發去男家..

到左男家都係一樣..自已都唔知做左d咩..咁就做好全部既儀式~成個早上都係一舊雲咁..而家諗起都想重新試多次..做返好d~~呵呵!!(真係大吉利是)千其唔好再攪.