遊日記(第八日)

23/9：陰天

朝早check out後搭地鐵上野，鎖o西行李o係locker後去淺草遊覽同買手信～一到達雷門門前已經見到好多遊人，除o左外地遊客外日本人都唔少，果然係旅遊熱點喎～因為呢日將會搭6點幾機，4點前就要去到機場，所以我o地o係淺草只係逗留半個鐘多o的就要離開，之後返上野0101幫fd買化妝品，要買o既o野總算都買齊啦～因為買得太多o野啦，一個o急唔夠裝，一定要買多個o急先得！但o的o急都幾貴下，最平果o的都要過萬yen！好彩見到有間舖頭賣隻旅行袋，外型成個紅白藍咁，袋底仲有轆添，o岩o西！仲要只係賣1500yen先正呀～

食埋午飯後去拎番行李，趕搭成田特急去成田機場，趕得切4點鐘到達～check in後行一陣，o係UNIQLO見到有浴衣賣喎～其實呢個trip晚晚著浴衣著慣o左，喜歡果種鬆泡泡o既舒服感覺，已經好想買番套o架啦，依家見到有得賣，仲只係賣19xx yen喎，即刻入手啦～跟住時間都差唔多，我o地返去上機咯；為期8日o既日本之旅話咁快就結束lu～

後記：
呢8日玩得好開心同難忘，浸溫泉啦、睇game show啦、什至租車周圍去都試過，又買到我一直好想買o既電影版變形金剛～唯一有樣遺憾o既係租車果3日因為o係某o的路段遇上塞車，時間方面失o左少少預算，搞到原先有o的地方plan o左去o既但結果冇去到．．．

遇到o既日本人大部份都好友善，守規舉有禮貌同好肯幫人；最難忘係第二晚住果間酒店Marin Hills o既老板，同埋第三日食午飯果間“幸壽司”o既老板娘同師傳，佢o地都好nice～

第一次去日本就係自由行唔駛跟團，全靠皇上佢一早plan好成個行程，而且訂機票，book酒店，租車等等各樣事項都係皇上一手包辦，呢個trip佢花o左好多時間同精力去搞，令我o地可以盡興同滿載而歸～o係度衷心同皇上講聲：多謝！！！

大家好～呢度就係淺草雷門啦～