網誌分類:生活 |
今朝有個客打電話黎, 話0係我地shop買左個袋, 但係我地同事忙中有錯幫佢碌卡時只係收左佢$0.07. 問我有冇同事可以幫到佢佢想俾返錢我地, 驚幫佢碌卡個同事要賠錢. 我真係好感動佢真係好好人. 佢體諒我地同事當時好忙所以碌錯銀碼, 擔心我地同事要賠錢所以主動打電話黎, 仲好客氣問我有冇同事可以幫到佢, 其實係佢幫左我地同事就真. 真係好感激呢位客人, 好感動呢個世上仲有d咁好心0既人.
唔知係咪因為宮心計入面劉三好常說 "說好話, 做好事, 存好心" 呢句說話深入民心, 起了教育作用. 希望傳播媒體以後都多製作呢類帶有正面信息同教育0既劇集或節目. 咁呢個世界就可以少d怨氣, 多點和諧啦.





