為何要這樣?

今早未返到公司阿媽就打黎，我仲以為有乜急事，原來叫我幫佢聽日凳腳打麻雀，是關老豆朋友突然有事，三缺一，又吾想搵阿嫂打，所以叫我打。

本來我無乜事，只係例行去探下阿公，但我又吾想打，佢又有選擇，加上阿公啱啱先好番，想多d睇佢，咪推左佢law，點知佢死吾斷氣不斷講，真係火都黎埋。

牛 : 我吾打喇! 我要去探阿公，佢仲未好番，牛牛地。

媽 : 仲未好番?  叫阿ben去探佢吾得咩?..................送佢去老人院啦!

牛 : 佢識行識走，送佢入去係咪好過份呀? 第時我咁對你，你會點?

媽 : 咁無人照顧佢麻，吾係點啫。

牛 : 有五個仔女，一人睇佢一日已經夠啦! 再吾係打個電話都得。

媽 : 咁搵間係荃灣我咪可以日日去探佢law，.........。

牛 : 我吾想一早同你鬧交，係咁。

自小到大真係同屋企人無偈傾，尤其是阿媽，講兩句就會無名火起，我吾係怪佢地吾睇阿公，但吾好咁多藉口law，打麻雀、行山、去旅行.......通通有時間，只係要一兩個鐘頭睇下個老豆就嫌三嫌四，身教係好重要，你今日咁對父母，第日叫d仔女點對你? 我曾經想改變呢個宿命，嘗試對阿媽好d，但總係欠d野，可能就係欠呢d身教。

阿公係蠢，但未至於要入老人院，一般起居飲食都可以應付，加上而家有送飯服務同平安鐘，只要每日或隔日有人去睇下佢有乜特別需要已經足夠，吾駛用好多錢。佢亦好抗拒入去，想自由一點，咁又駛吾駛咁急呢? 有無人嘗試聽下老人家心聲呢? 上次送阿婆入去，我已經十萬個不願意，但奈何吾由我決定，送佢入去果刻好似送佢去死咁，好難受，果次真係令我內疚一世，只係一個月，一去不返! 我吾想重蹈覆轍。

下午舅父打比我，話阿媽吾知發乜顛要開大會，話租阿公間屋比人.......之後又點點點，大家一齊出黎講wow，我無打算再出現，我要做既已經做野，就由番佢班仔女決定，廢話!