食之旅

本來可以安安分分留喺屋企睇奧運閉幕式嘅,

點知突如其來一個電話急call,無啦啦就去咗

香港嘞,今日咩嘢交通工具都坐渾曬,攰到傻

不過都係嗰句,有好嘢食就乜都精神番曬,中午

我哋喺尖沙咀搭船過中環行ifc之後就搭纜車

上山頂,搞到成2點幾鐘先食飯,第一站,去咗

delifrance度食咗個椰絲蘑菇汁焗雞扒飯(個名

差唔多啦),海鮮意大利面,仲有經典法國小食,pianni

(唔好意思,我唔識法文,唔知係咪咁串嘞),漏到爆.

but i'm loving it 哈哈...濃濃芝士+蘑菇汁,

my favorite!!!最後嘆埋杯奶茶,走人...

之後嘅行程,就係陪人買嘢嘞,因為佢哋又要買表,又要買

鞋,行咗成個灣仔,終於俾佢搵到只表嘞!!!比起呢度

平咗5/1呀...抵買啦...

好中意呢架叮叮車呀...哈哈...仲有好想去漢陽苑度食嘢!!!尤其係自助燒烤呀...

跟住我哋就搭番地鐵去番旺角

嗰頭買鞋我哋一路行,就一路買啲小食食,哈哈

哎...人頭涌涌,見到都煩...買完仲唔即刻

走呀!!!都7點幾嘞,係時候去買尖沙咀海滂睇夜景兼

食飯,食飯之前,就先去freshness burger度食番個

厚厚牛肉burger先啦...跟住大熱天時走去有骨氣

度食豬骨煲,身水身汗咁,摞嚟賤...最尾臨走都要

走去茶餐廳度飲番杯凍鴛鴦,再嘆多個雲吞麺先走,

今日睇番個閉幕式,感覺好熱鬧,依然好震撼住我嘅

心靈,咁快就結束嘞,好唔捨得呀,百年夢想終於

喺噚日結束嘞,我真係為身為中國人驕傲o架,希望

喺我有生之年,中國會搞多次奧運會啦...哈哈...