兩週年

11月4日係何氏夫婦(mic少同我)結婚兩週年紀念

真係不經不覺已兩年，呢段時間我倆都改變左好多~ 由大少爺小姐，婚後為大小事而爭執，後來學懂珍惜尊重包容遷就體諒，至而家更學識照顧、支持、愛對方！

當然兩個不同既人係埋一齊一定有笑有淚，不過每一刻相處都在學習，學習如何讓屋企充滿笑聲並減少哭聲，如果要哭既都因喜極而泣。

多謝老公由拍拖至婚後都一直寵錫照顧我，陪我渡過不同既難關。仲改掉好多少爺仔性格(不過mic少個名真係好聽好岩你丫！)，令我倆相處得更開心融洽，猶如keep住拍拖一樣。

下年2月我地多個新成員，到時屋企會好熱鬧仲好忙碌添！希望小mic健健康康，同我地開開心心咁生活，一齊慶祝每個高興既日子！