第21週

咁耐以黎最擔心煩惱既兩星期(煩惱留返第22週先講)

擔心自己身體又擔心我既寶寶，因為發現左邊大腿生野…本來冇留意一達十幾粒紅點，拖兩日先去睇醫生，先知原來係“生蛇”！！ “生蛇”？？！！好驚丫！！醫生冇好詳細解釋生蛇原因，只係話我睡眠質素差致免疫力低，不會影響寶寶唔洗擔心！

無端端生野點唔擔心丫？！以前聽呢個term係好嚴重嗎！上網search“生蛇”資料真係愈睇愈好驚！即刻就打俾婦產醫生，點之打左一日都冇人聽，激c之餘又成日好擔心！

心掛掛等到第2日再打去俾婦產醫生，姑娘叫我即刻過去(咁急！咁嚴重？！)…咪快仆出去等俾醫生檢查下囉~本來自己一個人去睇，點先等等下好surprise見到mic少出現係診所，佢lunch time由中環撲過黎陪我睇丫(我知佢呢兩日都好擔心我同bb架)！等左兩個幾鐘終於等到醫生講令我安心既一句“唔會影響bb，免疫力低既孕婦都會出現呢個病，休息多d就ok，過兩星期會好返！”而“生蛇”源於細個既水痘virus藏係身體神經線內，當身體弱/差時就會引發呢個virus啦！所以好多人會有機會“生蛇”，只不過呢段時間生令我特別擔心者！

除左本來個一大達，呢幾日再生多兩小達…不過醫生話正常架喎！唯有休息多d，又飲多d湯水啦，希望快d好返！！

為免引起大家不安，我唔放相上blog啦！