失眠~

2009年10月30日        (星期五)  晴

18 weeks 6 days

哩排害喜開始減輕,一日都係嘔一次~但害喜減小接住就係失眠既困擾.......頭4個月都好好訓,未夠11點已經頂唔順要訓覺,但近幾日開始一日比一日夜先訓到!!!哩排都2點幾先訓到,今日仲嚴重,而家已經零晨3點幾喇我竟然仲有精神打blog

而家就算訓得著都唔係熟睡囉,bb開始大,訓係到條腰就一日痛過一日,成日都痛醒要轉身,轉左身又要hea一輪先訓得返......而且bb又開始壓住膀胱,一晚起身3次去廁所!!!而家4個幾月已經咁,我知bb越大哩d情況會越嚴重直到bb出世為止............


哩排懶左寫blog,襯而家訓唔著係到講返上星期產檢既情況先,上星期bb既Candy姨姨& Pinky姨姨都陪我去產檢,佢地話要同鄺b say hello呀!!!

上左診所登記,勁多人,我地就去食左晚飯先,食飽飽就差唔多到我喇!!!跟住我地一行4人浩浩盪盪一齊見醫生照u/s,鄺bb又大隻左!!!Candy姨姨& Pinky姨姨見到鄺bb都好興奮,鄺bb仲同佢地say hello呀,短片1:57果到鄺bb係到揮手呀

因為已經18 weeks仲未知bb性別,所以都好緊張問醫生,但鄺bb仍然好唔合作地坐係到唔比醫生睇,又游到我個肚既最右手邊,係恥骨隔離囉!!!搞到醫生更加難睇!!!而家又要等20 weeks照結構睇下睇唔睇到係男定女喇!!!
不過醫生話bb臍帶纏頸,哩樣野真係令我幾擔心~可能鄺bb真係活躍得滯啦!!!但我又無野可以做到幫到佢,要靠佢自己反方向轉去鬆返開條臍帶!!!
鄺bb你要叻叻豬自己鬆返開呀,知嘛!?!

唔講住lu,試下訓唔訓到先~希望失眠唔好再困擾住我啦!!!訓唔到覺對一個大肚婆黎講實在係太大既折磨喇