細孖走了.......

事隔一個星期,心情平伏了.........終於都鼓起勇氣寫返哩排發生既事

同時間我會公開埋由發現有bb到而家既網誌出黎~

2009年8月25日 星期二(晴)

今日終於打敗仗,發燒了!!!原本老公妹妹生日去食飯都去唔到!!!對唔住鄺妹妹~

變左去睇醫生.....幸好大細孖依然有心跳,無問題!!!回家吃藥要好好的休息~一定要退燒,千萬唔好係h1n1哦~

2009年9月5日 星期六 (晴)

11weeks  (已確實BB 11weeks )

今日懷住興奮既心情同老公約埋老公細妹一齊去照Oscar,因為可以見到兩個BBs呀!!!

食完飯就上診所喇~首先抽血先!!!抽完血等多一陣就到我照Oscar度頸皮喇~個醫生係到照照照,然後睇一睇我既婦產科醫生寫既報告,問我係咪twins??我話係呀!!!跟住問我係咪之前都見到2個心跳,然後我同老公都答:係呀,好清楚有兩個心跳的~

之後醫生同我講:細果個無左心跳喇,而且縮到得返7weeks幾既size~大果個size就岩喇,11weeks,有心跳,有手有腳,仲照到郁添~

聽到哩個消息簡直晴天霹靂,一直都好開心個天一次過送兩個bb比我(我同老公兩邊家族都無遺傳的)......但知道係孖b唔夠一個月個天又要帶走我其中一個b!!!

而頭先抽d血都無用,因為細孖已經走了,驗血報告都唔準確的......好彩大b的頸皮沒問題,沒有唐仕的徵狀!!!

一行出去已經忍唔住係咁喊喊喊,喊到返返去我婦產科醫生果到仍然喊喊喊,接受唔到哩個事實.......姑娘們都安慰我,佢發育得唔好佢自然走左都唔係壞事,起碼唔會同大孖爭營養,但明明10日前仲兩個好地地~10日後就有一個走左.......點解要咁玩我???比我超級歡樂一個月都唔夠就要帶走返送比我既野.....

幸好大孖發育良好,照oscar個醫生粗粗魯魯係咁整bb想佢郁(bb只郁左一下)但個醫生點整佢都唔郁..........

我心想:BB你快d郁比爸爸同媽咪睇啦~唔好唔郁嚇媽咪呀~跟住唔夠3秒BB就起勢手撐撐腳撐撐喇!!!

BB肯定唔鐘意果個醫生粗魯既醫生咁大力整佢所以點整都唔肯郁喇~

返到我個醫生間診所,醫生再幫我照多次u/s,細孖都係無心跳了~

哩個醫生溫柔好多,一照大b已經郁得好勁,仲同我地點點頭打招呼添~老公妹妹仲見到bb打拳打到d胎水起左水泡~哩個肯定係活躍b &超有性格既bb.....唔鐘意就唔會向惡勢力低頭~

BB size :4.22cm

而細孖已經縮到得返1.12cm,痴住係下面既胎囊既低部....唔放大睇就only睇到空空的胎囊!!!

醫生要我訓床,因為驚細孖會小產,見紅or穿水~如果有哩d情況出現好大機會大b都同時流出~所以而家無必要真係唔出去,除左覆診~希望細孖會自然縮細,縮到變成一個小組織.....咁就唔會影響到大b喇~

同埋醫生已經比左個真正既預產期我,係按bb既大小去計既~延遲左9日係:2010年3月27日

仲有半年多d,我同大b一定要努力,我一定要大b平平安安健健康康咁黎到哩個世界~無左一個,我唔會容許我肚入面仲生存緊既哩一個bb有d咩事!!!

哩個星期心情跌到坐谷底,像瘋了似的.....小小的事已令我失控嚎哭......我相信唔會有幾多人明白我失去左在我肚入面近3個月既寶寶既感受.......

和老公經歷這考驗後,感情確實穩定了~如果這星期沒有了老公的照顧,關懷...我想我已進青山醫院裡了~

係我發現細孖無左心跳既6第日,收到另一個唔好既消息.....好朋友,你要振作呀~我地兩個都要一齊振作呀!!!