已confirm bingo了^^

2009年7月22日  星期三(晴)

LMP:5 weeks 6 days

今日原本諗住陪bibi去睇醫生的!!!原本姑娘叫我月尾先去見醫生....因為到時應該照得清楚d......但我哩幾日都有持續肚痛!!!為求安心d今日就同bibi一齊睇啦!!!

等緊既時候,姑娘係到同我傾計,已經當左我真係有左咁!!!我就話醫生都未check可能食咋糊呢!?!

等到醫生黎幫我照u/s!!!我乜都睇唔到仲問醫生係咪真係食咋糊呀!!!

跟住醫生話"就咁睇都有8,9成係有架喇...不過仲好細"

真係細到我都睇唔到喎

之後醫生圈比我睇,我都只係睇到一點好細點既黑色........哩點就係我同鄺生既BB??????我都仲係半信半疑咁~

仲比姑娘笑我"應該到照到個bb手撐腳撐你先信係有左架喇"

醫生就話驗埋孕如果都有兩條線既話就100%有架喇!!!

跟住驗孕好快就見到第2條線喇...仲比上次自己驗深色左好多添!!!已100%confirm中獎了                                         

醫生仲推算埋預產期係2010年3月18日

而家係5 weeks 6 days

不過都仲係好細,醫生開左15日葉酸,維他命,安胎藥我食....15日後再返黎照,到時應該照到心跳架喇!!!

咁就做左我既第1次產檢喇

希望15日後真係照到心跳,BB健健康康成長哦!!!Thx god!!!

就黎做人媽媽既心情真係好複雜呀~

不過我已經為左bb放棄左好多野喇...我至愛既Gel甲,植眼睫毛,腳甲油....全部都要離我而去lu~

而且仲有好多鐘意食既野都唔食得......仲要一日飲1~2盒平時嗅到都掉頭走既奶呀    原來母愛既動力真係咁勁架!!!!!!