微波爐叮叮薯片

如果唔係想同D小朋友玩整嘢食, 我都唔會上網查到原來有個叮叮薯片器 , 仲係潮咗好耐添 !

我係Citysuper 買咗嚟玩($110) , 有blog 友幾個月前買都係$88咋 , 日本yen 高咗咁多 , 連薯片器都貴咗好多呢 !  我唔買拍賣網嘅韓國機$35 ,  大陸淘寶$20都有得賣 ,  但有blog友叮溶咗個架添 ! 所以我都係買咗Citysuper 嗰部 , 話晒係 Made in Japan , 而且入微波爐的用品都係正版嘢好啲 !

幾經試叮 , 終於成功叮出卡樂B薯片了 ! 無添加 , 無油 , 健康d  !

P.S.

(1) 美國焗薯唔及中國薯仔咁香 !

(2) 先用廚房抹手紙吸一吸薯片上的水好叮好多 , 易脆d !

(3) 唔同牌子微波爐叮嘅時間不一架 ! 

(4) 薯片雖好食, 不過微波爐食物都係唔好成日食呀 !

祝各位食得健康 , 玩得開心啦 !