文太雜物房

本嚟祇係想搵個地方堆置垃圾, 不過老友記話可以吹埋水. 喺垃圾房吹水? 哈哈, 你話點就點啦!

唔使客氣, 請自便.

留言

網誌清單

編輯關閉

引用檢舉

殺雞取卵?

網誌分類：未分類 |

圖片
網誌日期：2008-05-16 04:08

喺地度摘士多啤梨你可能唔止做過一次, 但喺地度摘車厘子, 你又試過未呢? 我試過喇今日.

將成棵車厘子鋸咗落嚟摘咁瘋狂? 我都唔信自己會咁做架, 不過又真係做咗. 點解? 咪被d雀仔迫成咁囉.

記得第一年收獲嘅時候好開心, 因為可能重未有好多雀仔知, 食得好少. 點知到咗第二年, 好快就俾佢哋食晒.

後尾有人話掛風鈴可以嚇雀仔, 我就去買風鈴; 有人話綁彩帶可以趕雀仔, 我就去綁彩帶; 有人話吊cd可以防雀仔, 我就去吊cd; 有人話用個網網住棵樹, d雀仔就食唔到, 我就去買雀網... 原嚟冇一樣真係有效嘅. sam叫我摷支槍出嚟打死一隻吊佢喺度做辦, 就可以殺雀儆雀喎. 最衰我又未練好d眼界.

不過我諗到一個最有效嘅方法喇, 嗱, 咪咁囉, 斬咗佢, 一了百了啦!

唉, 咪見我講得咁瀟灑呀, 落手嗰陣真係幾心痛架,

幾分不捨, 當然啦, 我種咗成六年架喇. 又幾分不忍, 梗係啦, 話到底都係一個生命嚟架嘛.

所以我都留咗一步, 祇係將佢哋鋸矮, 冇將佢鋸到貼地. 不過佢哋可唔可以生存, 就真係睇造化囉, 因為好多樹都係唔鍾意修剪架, 首推合桃, 木蘭亦係. 咁啱, 車厘子都有份.

咁青已經俾佢哋食咗好多

真係鋸咗落地架

鋸到咁矮, 如果佢唔死, 希望可以控制佢嘅生長, 將來個網都夠大吖嘛.

可以見到好多都已經俾雀仔咬過啦.

呢棵係另一棵六月熟車厘子, 比上面一棵遲10日度. 因為佢分枝低, 可以留番一枝, 生存機會可能大d, 到冬天先再修細.

呢棵遲d熟.

呢棵係五月熟嘅, 用兩個最大嘅網, 但都係唔夠長, 俾d雀仔由地下捐上去食, 終於有網同冇網分別都唔大, 差不多食清. 相中剩一個網未除晒.

引用(0)

網誌標籤：種植, 水果, 車厘子, 雀仔

共2個回應

檢舉
貓貓 2008-05-16 08:02

還未看你的網誌, 來向你打個招呼! Happy Friday
檢舉
wakanan 2008-05-16 07:44

真係好可惜，啲車厘子好似未熟喎，食唔食得呀？

新增回應

迷你玫瑰

網誌分類：鏡中花 |

圖片
網誌日期：2008-05-15 05:29

我覺得迷你玫瑰似乎幾嬌氣, 佢唔似普通玫瑰咁襟剪, 又會種下種下就無情情死嘅. 所以依家剩番一款咁多. 呢度睇得到佢有幾大.

回應(4) | 引用(0)
網誌標籤：種植, 花卉, 迷你玫瑰
兩種士多啤梨

網誌分類：種瓜得瓜 |

圖片
網誌日期：2008-05-13 19:21

兩種士多啤梨都唔係買嘅, 大嗰隻係一個細路女俾一棵俾我, 佢叫我用個花盆種住佢. 第一年生咗16個果, 生完果之後佢跟住係咁標d細棵嘅出嚟, 冇辦法, 要將佢種落地, 之後就越生越多嘞.細嗰隻係...

回應(5) | 引用(0)
網誌標籤：種植, 水果, 士多啤梨
nasturtium

網誌分類：鏡中花 |

圖片
網誌日期：2008-05-09 03:18

成日都玫瑰係咪好悶呢? 哈哈! 其實除咗玫瑰之外我都有其他花嘅, 因為呢個世界重有同玫瑰一樣咁易種嘅花架嘛. 佢哋叫nasturtium, 係一個climber嚟嘅, 但佢唔似其他climber咁, 要生到一定高度...

回應(5) | 引用(0)
網誌標籤：種植, 花卉, nasturtium
今日唔貼花

網誌分類：生活點滴 |

圖片
網誌日期：2008-05-07 21:03

除咗要滿足對眼, 都要關照下個嘴嘅.尋日摘嘅士多啤梨種咗咁多玫瑰, 當然唔好嘥啦, 自己種, 全天然吖嘛, 所以我每年都會採d嚟儲起沖茶飲.今年因為早前有d嘢做, 摘唔到頂蕾, 所以比較細d. 但因...

回應(8) | 引用(0)
網誌標籤：水果, 士多啤梨, 玫瑰花茶
唔係月季

網誌分類：鏡中花 |

圖片
網誌日期：2008-05-06 06:25

好似又蛇咗兩日? 都真係冇咁多時間, 唔係藉口.呢款玫瑰氣味清香, 聞咗真係心情愉快, 所以我除咗將佢種喺果園邊, 亦喺我更衣室後嘅花槽種咗一排, 啱啱個窗口仔喺花槽一端之上, 每日朝晚換衫聞...

回應(5) | 引用(0)
網誌標籤：種植, 玫瑰
柿子花

網誌分類：未分類 |

圖片
網誌日期：2008-05-04 04:25

柿子花依家先開始開, 幾遲, 唔似d桃呀杏呀咁早開. 柿子嘅花蕾好特別, 我時時都會諗起雲吞. 開咗係咁嘅.

回應(8) | 引用(0)
網誌標籤：種植, 水果, 柿子花
黃玫瑰

網誌分類：鏡中花 |

圖片
網誌日期：2008-05-03 07:03

呢款黃玫瑰唔知品種, 有微香, 花都算大, 大約5-6吋咁上下, 相信好好食, 因為最多嘢咬佢.

回應(2) | 引用(0)
網誌標籤：種植, 花卉, 黃玫瑰
隨手貼

網誌分類：鏡中花 |

圖片
網誌日期：2008-05-02 06:18

日日都玫瑰好似幾悶. 今日轉下口味, 是但貼幾張啦.藍色love-in-a-mist. 依家得藍色紅色aquilegia黃色aquilegia粉紅aquilegia

回應(5) | 引用(0)
網誌標籤：花卉, 霧之戀, love-in-a-mist, aquilegia
紅玫瑰

網誌分類：鏡中花 |

圖片
網誌日期：2008-05-01 06:40

文對呢款玫瑰情有獨鍾, 年年都差不多係送呢款玫瑰. 所以呢d玫瑰係我用花束中嘅花枝插生嘅. 當時幾開心架.

回應(4) | 引用(0)
網誌標籤：種植, 花卉, 紅玫瑰, rose