阿媽金句

有日，八卦雜誌話：都唔知黎明點同樂基兒點溝通，一個牛頭唔答馬嘴、另一個都唔知佢講左d乜。

網上一 Search，原來有好多「黎明金句」，原來真係好好笑.... (對不起，黎明既 Fans....)

• 坎坷過後有艇搭!
• 左手又係肉,手背又係肉
• 我朝早唔會空肚食早餐!
• 原則會取締默契,默契會產生更多議題!
• 當一枝花變成一枝花的時候,係咪變成一枝梗呢?
• 借錢如送禮,還錢如乞米!
• 當一個藝人覺得自己好有魅力的時候,其實佢已經喪失魅力!
• 每個人都應該珍惜機會,如果唔係,就會《絕對空虛》!
• 戀愛就好似打遊戲機咁, 每個人都會過關, 打爆機,明白個遊戲點玩,但係到你爆機時, 你已經魂歸天國
• 其實我沒有說捧不捧衛蘭，只是我知道我愈捧，人家就會愈是打壓你。大家不要忘記愛因斯坦的《相對論》：要自然才會有流暢的結局。
• 生存在世,最幸福的是可以尋求到解决難題的方法;最遺憾的是用盡了方法都解决不了問題,所以我每天生活在幸福與遺憾中!

查實，我阿媽都有一d令人"O嘴"既金句：

N年前去睇樓，佢同的士司機傾計開計，阿媽話未搬得屋住，理由係：「我屋企d女都未嫁哂！」，真係失禮.... 實情係我地三姐妹都未有人嫁過出去...... 真羞家！

每次食飯，阿媽都要話：「食多d魚啦，條魚識游水架！」。佢想話條魚係游住水，但俾阿賣魚勝拍暈黎割死既，咁我都會同阿媽講：「我都好新鮮架！」(我識游三款泳式添！)。但事後非正式統計，原來係阿媽都會同呢個 Phase 去推介條魚。

我地呢d唔去街市既，有時好奇問阿媽呢d個d幾多錢，佢只會話：「你俾返錢我呀?」(寸寸貢地)，好明顯，佢係唔想你計佢每月家用有幾多私己錢落袋囉。

剛返到屋企，好自然會除外套，佢就會等你除左衫之後，走黎話你：「你做乜著咁少衫出街呀?」，真係..... XYZ#$@!!!!!